Kẹnoma kẹ Ihwo ri She nẹ Ukoko Na

Ọkieje yen Eshu vẹ ihwo rọyen vwọ reyọ efian vwọ gua uyota na rere esegbuyota avwanre vwo shekpotọ. (2Kọ 11:3) Kerẹ udje, ihwo rẹ Asiria na reyọ ubro rẹ uyota kugbe efian vwọ nẹrhẹ oshọ mu ihwo rẹ Jihova. (2Ik 32:​10-15) Ena vuọvo nana yen ihwo ri she nẹ ukoko je reyọ vwo ruiruo nonẹna. Die yen ofori nẹ avwanre ru kpahen iyono rẹ ihwo ri she nẹ ukoko? E jẹn avwanre kẹnoma kẹ iyono rayen kare kare! E se evuẹ raye-en, kpahan kẹ aye-en yẹrẹ gbe nene uyono raye-en. Fobọ jokaphiyọ evuẹ re cha nẹrhẹ e vwo ẹwẹn ivivẹ kpahen Jihova vẹ ukoko rọyen, re je sa nẹrhẹ a siọn dede!​—Jud 3, 4.

NI IVIDIO NA “HỌNRE CHOCHỌ RẸ ESEGBUYOTA” NA!​—ẸBẸRE RA REYỌ NORHE, RERE WỌ KPAHENPHIYỌ ENỌ NANA:

• Diesorọ o vwo fo nẹ avwanre nomaso ọke re de se ovuẹ vwẹ intanẹti?

  Ẹkpahọnphiyọ wẹn

• Mavọ yen avwanre se vwo ru nene uchebro rọhẹ Rom 16:17?

  Ẹkpahọnphiyọ wẹn