EFE RỌHẸ OTA RẸ ỌGHẸNẸ

“Udu Mẹ Kọ Dia Etiyin Vwẹ Ọke Ejobi”

Jihova yen jẹ uwevwin rẹ ẹga na reyọ (2 Ikun 7:11, 12)

Jihova tare nẹ udu rọyen cha dia etiyin ọkieje, ro vwo djephia nẹ o vwo omavwerhovwẹn kpahen obo re ruẹ vwẹ uwevwin ra vwẹ odẹ rọyen vwo se na (2 Ikun 7:16; w02 11/15 5 ¶1)

Ihwo na rha vwẹ “udu rayen ejobi” yan nene Jihova-a, kọ cha fọ nẹ a guọghọ uwevwin rẹ ẹga na totọ (2 Ikun 6:14; 7:19-21; it-2 1077-1078)

Ihoho: Idjerhe sansan ra vwọ ga ẹga. 1. Oniọvo ọshare rọ nẹrhovwo. 2. Oniọvo aye rọ kpahanphiyọ enọ vwẹ uyono. 3. Aye gbe ọshare ri ruiruo rẹ aghwoghwo na. 4. Oniọvo ọshare ro ruẹ orufon vwẹ Ọguan Ruvie. 5. Oniọvo ọshare ro ruẹ ẹga orua vẹ aye rọyen kugbe emọ rọyen ivẹ. 6. Oniọvo aye ro se Baibol. 7. Oniọvo aye ro phiẹ igho phiyọ ekpeti rẹ itetoro na.

Ọke ra vwọ vwẹ uwevwin rẹ ẹga na vwọ kpahotọ, o muẹro nẹ ayen roro nẹ ayen cha vwẹ ẹga kẹ Jihova ọkieje. Ọ da ohwo mamọ nẹ, ihwo na siobọnu oruru rẹ ayen vwọ ga Jihova.

NỌ OMA WẸN, ‘Idjerhe vọ yen mi vwo djephia nẹ ẹga re me vwọ kẹ Jihova nẹ ubiudu mẹ rhe?’