AKPEYEREN RẸ INENIKRISTI
Bọn Esegbuyota Wẹn Kpahen Ota rẹ Ọghẹnẹ Gan
Ota rẹ Ọghẹnẹ se wene akpeyeren rẹ avwanre. (Hib. 4:12) Ẹkẹvuọvo, a sa vwọ mrẹ erere vwo nẹ odjekẹ vẹ uchebro rọyen, ofori nẹ avwanre vwo imuẹro nẹ Baibol na “ota rẹ Ọghẹnẹ.” (1 Tẹsa. 2:13) Mavọ yen avwanre sa vwọ bọn esegbuyota rẹ avwanre kpahen Baibol na gan?
Se ẹkpo ri Baibol evo ẹdọke. Wo vwo se na, guọnọ obo re cha kẹ wẹ imuẹro nẹ Jihova yen Ohwo ro vwo Baibol na. Kerẹ udje, fuẹrẹn uchebro rehẹ ọbe rẹ Isẹ wọ mrẹ oborẹ aghwanre rọyen sa vwọ chọn avwanre uko nonẹna.—Isẹ 13:20; 14:30.
Ton ọrhuẹrẹphiyotọ rẹ uyono phiyọ. Davwẹngba vwọ nabọ vughe erọnvwọn ri djerephia nẹ obọ rẹ Ọghẹnẹ yen Baibol na nurhe. Vwẹ Research Guide for Jehovah’s Witnesses, kpo uyovwinrota na “The Bible,” wo ni “Inspired by God.” Wọ je sa bọn esegbuyota wẹn gan nẹ ovuẹ ri Baibol na ji rhi wene-e siẹrẹ wọ da fuẹrẹn evuẹ rehẹ Appendix A3 vwẹ Baibol ri New World Translation.
NI IVIDIO NA OBORESORỌ AVWANRE VWO VWO ESEGBUYOTA . . . KPAHEN OTA RẸ ỌGHẸNẸ, RERE WỌ KPAHENPHIYỌ ENỌ NANA:
Mavọ yen igbẹhẹ rẹ uwevwin rẹ ẹga ọvo vwẹ Karnak rọhẹ Egypt vwo djephia nẹ Ota rẹ Ọghẹnẹ uyota?
Mavọ yen avwanre ru riẹn nẹ evuẹ rehẹ Baibol na ji rhi wene-e?
Mavọ yen oborẹ Baibol na wan vrabọ rẹ oghwọrọ vwo djephia nẹ ọyen ghene Ọta rẹ Ọghẹnẹ?—Se Aizaya 40:8