Erọnvwọn re sa Chọn Ohwo Uko Rehẹ Evunrẹ Vwo Omavwerhovwẹn Bẹdẹ!

Wo vwo ọdavwẹ kpahen ividio vẹ enọ rehẹ evunrẹ ọbe ri Vwo Omavwerhovwẹn Bẹdẹ! na? Kẹ ẹbẹre rẹ “Ihwo Evo Ta,” “Obo Wo Se Ru,” vẹ “Hiẹ Guọnọ” na vwo? Erọnvwọn efa vọ yehẹ evun rọyen re sa chọn wẹ uko ọke wọ da reyọ vwo yono ohwo?​—⁠Mat. 28:​19, 20.

Ẹbe vẹ Ividio: Ọ da dianẹ wọ guọnọ reyọ ọ ra teyenphia vwo ru uyono ri Baibol, tivọ yen wọ da sa fobọ mrẹ ẹbe vẹ ividio na eje vwẹ asan ọvo? Rhie ọbe na vwẹ ifonu, ikọmputa yẹrẹ itablẹti wẹn, wọ sane ọvo vwẹ usun rẹ ẹbẹre ẹne na. Wọ cha mrẹ ẹbe vẹ ividio wo de ni kpo obotọ rẹ ẹbẹre ọvuọvo rẹ ọbe na, ri vwo ividio vẹ ẹbe eje ri churobọ si ẹbẹre yena. (Ni uhoho 1.)

Obo re se vwo wene kpo “Printed Edition”: Ọ da dianẹ ọ rọhẹ ifonu, ikọmputa yẹrẹ itablẹti yen wo vwo yono ohwo, o che yovwin wo de wene kpo “Printed Edition” vwẹ uvwre ọke sansan vwẹ uyono na. Wo de rhie ọvuọvo rẹ uyono na, gbe djobọte idọtu erha rehẹ obọrhen vwẹ obenu na rere wọ sane “Printed Edition.” Oborẹ a rhuẹrerẹ wan cha chọn wẹ uko vwo roro kpahen oborẹ ẹkorota ọvuọvo vwo churobọ si uyono na. Wọ da guọnọ rhivwin kpo digital edition na, gba rhoma djobọte idọtu erha rehẹ obenu na, wọ sane “Digital Edition.”

“Mi Muegbe?”: Ekpeti rehẹ oboba rẹ ọbe na, ta ota kpahen obo ra guọnọ mie ohwo ọ ke sa dia oghwoghwota vwẹ ukoko na ji bromaphiyame. (Ni uhoho 2.)

Eta rẹ Odjefiotọ: Eta rẹ odjefiotọ na dje eta evo kiriguo fiotọ ri shekpahen iyovwinreta eghanghanre evo. Oba rẹ eta rẹ odjefiotọ ọvuọvo na, vwo ilinki ro se mu we rhivwin kpo asan ru wo nurhe vwẹ ọbe na, ọ da dianẹ ọ rẹ ifonu, itablẹti yẹrẹ ikọmputa yen wo vwo ruiruo. (Ni uhoho 2.)