Wọ Guọnọ Ẹkpahọnphiyọ rẹ Ẹrhovwo Wẹn?

Baibol na vọnre vẹ ẹrhovwo rẹ Jihova kpahenphiyọ. O muẹro nẹ esegbuyota rẹ idibo ri Jihova rhoma ganphiyọ, ọke rẹ ayen da mrẹ oborẹ Jihova davwerhọn rẹ ọdavwẹ rayen ohwo ọvuọvo vẹ oborẹ Ọ chọn ayen uko wan re. Eriyina, ofori nẹ e djunute ọdavwẹ rẹ avwanre vwẹ ẹrhovwo romobọ, a me je davwẹngba vwọ mrẹ ẹkpahọnphiyọ ri Jihova. Jẹ o muwẹro nẹ ẹkpahọnphiyọ rọyen sa fẹnẹ yẹrẹ vrẹ oborẹ avwanre rhẹro rọyen. (2 Kọr. 12:7-9; Ẹfe. 3:20) Idjerhe vọ yen Jihova sa vwọ kpahenphiyọ oyare rẹ avwanre?

• Ẹgba, ẹwẹn ri dọe yẹrẹ esegbuyota re se vwo yerin ghene ebẹnbẹn.—Fil. 4:13

• Aghwanre re se vwo bru omamọ rẹ orhiẹn.—Jems 1:5

• Owenvwe vẹ ẹgba re vwo ru orọnvwọn.—Fil. 2:13

• Ẹwẹn ri dọe ọke rẹ avwanre da ro ẹnwan.—Fil. 4:6, 7

• Ukẹcha yẹrẹ uchebro rẹ ihwo efa vwọ kẹ avwanre.—1 Jọn 3:17, 18

• Ukẹcha vwọ kẹ ihwo rẹ avwanre nẹrhovwo kẹ.—Iruo 12:5, 11

NI IVIDIO NA JIHOVA YEN “NYO ẸRHOVWO”, RERE WỌ KPAHENPHIYỌ ENỌ NANA:

• Mavọ yen udje rẹ Oniọvo Shimizu se vwo phiuduphiyọ avwanre awọ siẹrẹ e rhe se ruẹ buẹ-ẹn fikirẹ jẹ omakpokpọ evwo?

• Mavọ yen a sa vwọ vwẹrokere udje rẹ Oniọvo Shimizu?