Sun Urhurusivwe Wẹn

Kerẹ ihwo re gbare-e, ofori nẹ e sun urhurusivwe rẹ avwanre. A da vwẹ ọkieje vwo ru nene urhurusivwe rẹ avwanre, ọ sa nẹrhẹ e ku aroesiri ri Jihova kufia. Kerẹ udje, ihwo evo vwẹ uphẹn vwọ kẹ urhurusivwe rẹ emu, iwun kugbe asan ra dia nẹ ọ gan vrẹ ẹguọnọ rẹ ayen vwo kpahen Ọghẹnẹ. Efa ruẹ nene urhurusivwe rẹ ehware, ayen mi gbobọnyẹ iwan rẹ Ọghẹnẹ. (Rom 1:26, 27) Efa herọ re vwẹ uphẹn vwọ kẹ ọnyẹ rẹ edjedje nẹ o mu ayen vwo ru obo re brare kidie ayen vwo urhurusivwe rẹ ayen vwọ dia kerẹ edjedje rayen.—Eyan. 23:2.

Mavọ yen e se vwo sun urhurusivwe rẹ avwanre? Ofori nẹ a tẹnrovi obo re se vwo ru erọnvwọn re cha vwerhen Jihova oma. (Mat. 4:4) Vwọba, e jẹ a rẹ Jihova nẹ ọ chọn avwanre uko sun urhurusivwe rẹ avwanre. Diesorọ? Kidie Jihova riẹn obo ri me yovwin kẹ avwanre, ọ je riẹn obo ro se vwo ru ọdavwẹ rẹ avwanre ri shephiyọ vẹ ọhọre rọyen vwọ kẹ avwanre.—Une 145:16.

NI IVIDIO NA WỌ VWẸ ISIGATI EPHOPHO GUỌGHỌ AKPEYEREN WẸ-ẸN, RERE WỌ KPAHENPHIYỌ ENỌ NANA:

• 

  Die yen muẹ ihwo evo vwo phopho isigati?

• 

  Die yen isigati ephopho sa so kẹ ohwo?

• 

  Diesorọ isigati ephopho kugbe erọnvwọn efa tiọyen vwọ dia obo re chọre?—2 Kọr. 7:1

• 

  Mavọ wọ sa vwọ sen isigati ephopho yẹrẹ dobọ rọyen ji?