Idjerhe Erha A sa Vwọ Vwẹroso Jihova

Devid phi Golayat kparobọ kidie ọ vwẹroso Jihova. (1 Sam. 17:45) Jihova guọnọ dje ẹgba rọyen vwọ kẹ idibo rọyen. (2 Ikun 16:9) Mavọ yen a sa vwọ vwẹroso ukẹcha ri Jihova vwọphia ukperẹ a vwọ vwẹroso erianriẹn vẹ ẹgba romobọ avwanre? Idjerhe erha na kẹ ena:

• Nẹrhovwo ọkieje. Ọ dia ọke wo de ruchọ ọvo yen wọ vwọ nẹrhovwo rẹ evwoghovwo-o, ẹkẹvuọvo je nẹrhovwo wọ vwọ mrẹ ẹgba vwo hirharoku edavwini. (Mat. 6:12, 13) Ọ dia orhiẹn wo bru nure ọvo yen wọ cha rẹ Jihova nẹ o ku ebruphiyọ rọyen ku-u ẹkẹvuọvo je yare odjekẹ vẹ aghwanre rọyen tavwen wo ki brorhiẹn.—Jems 1:5

• Vwo ọrhuẹrẹphiyotọ rẹ isese vẹ eyono ri Baibol. Se Baibol na kẹdẹ kẹdẹ. (Une 1:2) Ghwọrọ ọke vwo roro kpahen idje ri Baibol na, wọ me je vwẹ obo wo yono norhe vwo ruiruo. (Jems 1:23-25) Muegbe vwọ kẹ iruo rẹ aghwoghwo na ukpe ru wọ vwọ vwẹroso erianriẹn romobọ wẹn. Muegbe rẹ iyono na phiyotọ rere wọ sa vwọ mrẹ erere vọnvọn vwo nẹ ayen rhe

• Nene ọrhuẹrẹphiyotọ rẹ ukoko ri Jihova. Nene odjekẹ kpokpọ rẹ ukoko ri Jihova vwọphia, wọ me je fobọ reyọ ayen vwo ruiruo. (Ukeri 9:17) Kerhọ kẹ odjekẹ vẹ orhọ-esio rẹ ekpako na vwọphia.—Hib. 13:17

NI IVIDIO NA WỌ DJOSHỌ RẸ OMUKPAHE-EN, RERE WỌ KPAHENPHIYỌ ENỌ NANA:

• Oshọ ri die yin mu iniọvo na?

• Die yen chọn ayen uko vwo yerin ghene oshọ ro mu ayen na?