Obo re Yono Vwo nẹ Akpeyeren rẹ Samuẹl Rhe

Samuẹl fuevun kẹ Jihova vwẹ akpeyeren rọyen eje. Ọke rọ vwọ hẹ omotete, ọ vwẹ uphẹn vwọ kẹ erharhe iruemu rẹ Hofni vẹ Finihas re dia emọ rẹ Eli nẹ i miovwon ọye-en. (1 Sam. 2:22-26) Samuẹl vwọ rhua yanran na, jẹ Jihova vẹ ọyen herọ. (1 Sam. 3:19) Samuẹl fuevun kẹ Jihova rhi te ọke rẹ ọghwo rọyen dede nẹ emọ rọyen ru ọtiọye-en.—1 Sam. 8:1-5.

Die yen udje rẹ Samuẹl na se yono avwanre? Wọ da dia eghene, jo muwẹro nẹ Jihova vwo ẹruọ rẹ ebẹnbẹn sansan wo hirharokuẹ vẹ oborẹ oma ru we. Ọ sa chọn we uko vwo fiudugberi. (Aiz. 41:10, 13) Wọ da dia ọmiọvwọn rẹ ọmọ rọyen rha hẹ ukoko na-a, gba riẹn nẹ wo se yono vwo nẹ udje ri Samuẹl rọ gba emọ rọyen vwọ fuevun kẹ Jihova-a. Ọ vwẹroso Jihova nẹ ọ cha vwẹrote ẹdia na, ọ da sẹro rẹ ọyọnregan rọyen ji ru obo re vwerhen Jihova oma. Ọkiọvo, omamọ rẹ udje wẹn sa nẹrhẹ ọmọ wẹn rhivwin bru Jihova rhe.

NI IVIDIO NA YONO VWO NẸ UDJE RAYEN—SAMUẸL, RERE WỌ KPAHENPHIYỌ ENỌ NANA:

• 

  Mavọ yen Samuẹl fiudugberi wan ọke rọ vwọ hẹ omotete?

• 

  Mavọ yen Danny fiudugberi wan?

• 

  Omamọ udje vọ yen Samuẹl phi phiyotọ ọke rọ vwọ ghwore?

• 

  Omamọ udje vọ yen ọsẹ vẹ oni ri Danny phi phiyotọ?