Emama Nẹrhẹ Ẹroẹvwọsuọ rẹ Avwanre Kpahen Aghwanre ri Jihova Ganphiyọ

Ọkieje yen Jihova vwọ riẹn obo ri me yovwin vwọ kẹ avwanre? E! O de mu avwanre ẹro, ọnana che djephia nẹ avwanre ihwo ri vwo aghwanre siẹrẹ e de nene irhi rọyen. (Isẹ 16:3, 9) Ẹkẹvuọvo, imuoshọ sa dia siẹrẹ ẹroẹvwọsuọ rẹ odjekẹ rọyen vẹ oborẹ avwanre vwori vwẹ ẹwẹn da fẹnẹ. Avwanre de roro kpahen emama ri Jihova, ọ sa nẹrhẹ ẹroẹvwọsuọ rẹ avwanre kpahen aghwanre rọyen ganphiyọ.—Isẹ 30:24, 25; Rom 1:20.

NI IVIDIO NA A MARỌ? MAVỌ YEN EMERANRANVWE SA VWỌ KẸNOMA KẸ OHWOHWO AYEN VWO JẸ GBAPHIYỌ? RERE WỌ KPAHENPHIYỌ ENỌ NANA:

• Die yen emeranranvwe evo ruẹ kẹdẹ kẹdẹ?

• Mavọ yen emeranranvwe sa vwọ kẹnoma kẹ ohwohwo ayen vwo jẹ gbaphiyọ?

• Die yen ihworakpọ se yono vwo nẹ oborẹ emeranranvwe sa vwọ ranran cha ranran kpo ayen vwo jẹ gbaphiyọ?

NI IVIDIO NA A MARỌ? OBORẸ ỌNYỌ SE VWO SUẸN OBO RỌ RHAN WAN, RERE WỌ KPAHENPHIYỌ ENỌ NANA:

• Egbabọse vọ yen ihworakpọ hirharokuẹ ọke rẹ ayen da gua ẹropleni otete?

• Mavọ yen ọnyọ sa vwọ rhan ghene odju ọgangan?

• Mavọ yen ihworakpọ sa vwọ mrẹ erere vwo nẹ aghwanre rẹ ọnyọ vwẹ ọke rọ cha obaro?

Emama vọ yen wọ mrẹre ri dje aghwanre ri Jihova phia vwẹ asan rẹ wọ dia?