Iruo Ọgangan Re ru Wiẹn Womarẹ Ukẹcha rẹ Ẹwẹn Ọfuanfon Na

Nẹ awanre rhe yen idibo rẹ Ọghẹnẹ vwo ruiruo buebun wiẹn, ọ dia ẹgba rayen yen ayen vwo ru aye-en, ẹkẹvuọvo womarẹ ukẹcha ri Jihova. Vwẹ 1954, ukoko ri Jihova de siobọnu ifimu ro vwo uyovwinrota na The New World Society in Action. Iniọvo re ga vwẹ Bẹtel re ghwa ton ona rẹ ifimu eruo-o yin ruro. E se ruiruo ọgangan nana wiẹn womarẹ ukẹcha rẹ ẹwẹn ọfuanfon ri Jihova. Ọnana kẹ avwanre imuẹro nẹ a da vwẹroso Jihova, e se phikparobọ vwẹ kiruo kiruo ra vwọ kẹ avwanre.—Zek. 4:6.

NI IVIDIO NA ERUO RẸ IFIMU RẸ “UKOKO RẸ AKPỌ KPOKPỌ RỌ YAN PHIARO,” RERE WỌ KPAHENPHIYỌ ENỌ NANA:

• Diesorọ e vwo brorhiẹn re vwo ru ifimu ro shekpahen esiri ukoko?

• Idjerhe vọ yen ifimu na vwo djephia nẹ Bẹtẹl pha kerẹ ugboma rẹ ohworakpọ?—1 Kọr. 12:14-20

• Egbabọse vọ yen iniọvo na hirharoku ọke rẹ ayen vwo ruẹ ifimu na, kẹ mavọ yen ayen se vwo phi ayen kparobọ?

• Die yen obo re rhiẹromrẹ na yono avwanre kpahen ẹwẹn ọfuanfon ri Jihova?