Vwẹ Ọkieje Vwo Yono Ẹgba rẹ Iroro Wẹn

Ofori nẹ ohwo ro vwobọ vwẹ eheha nabọ yono oma rọyen phiyọ, rere ọ sa vwọ nabọ ton ona rọyen. Vwẹ idjerhe vuọvo na, ofori nẹ avwanre davwẹngba vwo yono ji sẹro rẹ ẹgba rẹ iroro rẹ avwanre. (Hib. 5:14) Dede nẹ ọkiọvo avwanre se nene orhiẹn-ebro rẹ ihwo efa, o ji fo nẹ avwanre yono ẹgba rẹ iroro avwanre rere e se brorhiẹn komobọ. Diesorọ? Kidie avwanre ohwo ọvuọvo cha niyẹnrẹn rẹ obo ro ruru. —Rom 14:12.

E jẹ e roro nẹ avwanre che bru omamọ orhiẹn kidie nẹ e bromaphiyame ikpe buebun re-e. Avwanre se vwo bru omamọ rẹ orhiẹn, ko fori nẹ avwanre vwẹroso Jihova, Ota rọyen vẹ ukoko rọyen kare kare.—Jos. 1:7, 8; Isẹ 3:5, 6; Mat. 24:45.

NI IVIDIO NA “JẸ EVUN WẸN FON,” RERE WỌ KPAHENPHIYỌ ENỌ NANA:

• 

  Orhiẹn-ebro vọ yen Emma hirharoku?

• 

  Diesorọ o vwo fo nẹ a kẹnoma kẹ iroro romobọ vwẹ eta ri shekpahen ẹwẹn obrorhiẹn?

• 

  Uchebro aghwanre vọ yen aye gbe ọshare ọvo vwọ kẹ Emma?

• 

  Tivọ yen Emma da mrẹ evuẹ eghanghanre ri shekpahen ẹdia rọyen na?