Ta Ota vẹ Erorokẹ

Ra vwọ ta ota vẹ erorokẹ mudiaphiyọ re vwo vwo ẹruọ rẹ oborẹ ohwo roro, obo re ma ghanre vwọ kẹ, ẹro ro vwo nẹ emu vẹ ọdavwẹ rọyen. Ihwo fobọ vwo oniso rẹ erorokẹ re dje kẹ ayen. E che dje erorokẹ phia siẹrẹ a da guọnọ chọn ihwo uko. A da ta ota vẹ erorokẹ vwẹ iruo aghwoghwo na, ọyena che djephia nẹ a vwẹrokere ẹguọnọ vẹ ẹroevwote ri Jihova, ọnana cha nẹrhẹ ihwo sikẹrẹ.—Fil. 2:4.

Ra vwọ ta ota vẹ erorokẹ dia ona ghevweghe-e, e se dje erorokẹ phia womarẹ ota, uruemu, oborẹ avwanre kerhọ rẹ ihwo efa wan vẹ ra vwọ sasa opharo. E ji se djephia ọ da dianẹ e vwo ọdavwẹ rẹ ohwo na. Avwanre vwo oniso rẹ obo ri je, obo ro segbuyota, vẹ erọnvwọn efa. Vwẹ ukẹcha vẹ uchebro ro fori vwọ kẹ, ẹkẹvuọvo wọ gba vwọ reyọ oborẹ wọ tare na-a. Oma cha vwerhen avwanre mamọ siẹrẹ ihwo rẹ avwanre ghwoghwo ota kẹ de rhiabọreyọ ukẹcha avwanre.

NI IVIDIO NA MRẸ AGHỌGHỌ RỌHẸ IRUO RẸ ODIBO EGBE NA—RU ONA WẸN YOVWINPHIYỌ—TA OTA VẸ EROROKẸ, RERE WỌ KPAHENPHIYỌ ENỌ NANA:

• 

  Mavọ yen Neeta vwo dje erorokẹ phia vwọ kẹ Jade ọke ro vwo kruko?

• 

  Mavọ yen Neeta vwo dje erorokẹ phia ọke rẹ Jade vwọ tanẹ o che se yono-o kidie nẹ oma bruroku?

• 

  Mavọ yen Neeta vwo dje erorokẹ phia ọke rẹ Jade vwọ tanẹ ọ riẹn obo ra rhuẹrẹ emu phiyọ-ọ?