“Kidie ẹguọnọ ri Kristi ri sun avwanre.”—2 Kọr. 5:14
AKPEYEREN RẸ INENIKRISTI
Wọ Cha Ga Kerẹ Ọkobaro Ubrọke Vwẹ Emeranvwe rẹ March Yẹrẹ April?
Wọ guọnọ ru bunphiyọ vwẹ ẹga ri Jihova vwẹ ọke rẹ Ẹkarophiyọ na? (2 Kọr. 5:14, 15) Vwẹ emeranvwe rẹ March vẹ April, ekobaro ubrọke sa niyẹnrẹn rẹ unọke 30 yẹrẹ 50. Wọ da guọnọ vwobọ vwẹ iruo nana, gba ghwobọphiyọ ifọmu rẹ ọkobaro ubrọke, wọ me reyọ vwọ kẹ Umẹ Rọvwẹrote Iruo rẹ Ẹga rẹ Ukoko wẹn. Kemeranvwe kemeranvwe, e che ghwoghwo odẹ rẹ ihwo re ghwobọphiyotọ kerẹ ekobaro ubrọke vwẹ ukoko na. Ọnana cha nẹrhẹ iniọvo ukoko na bicha ayen vwẹ iruo aghwoghwo na. E jẹ avwanre eje reyọ ọke rẹ Ẹkarophiyọ na vwo ru ona aghwoghwo avwanre yovwinphiyọ ji phiuduphiyawọ rẹ ohwohwo.—1 Tẹsa. 5:11.