Wo Vwo Owenvwe Wo Vwo Kpo Isikuru rẹ Ihwo ri Ghwoghwo Uvie Na?

Wọ hẹ uvwre rẹ ẹgbukpe 23 fiẹ 65, wọ jehẹ iruo rẹ ẹga ọkieje? Wo vwo omakpokpọ, wo ji muegbe wọ vwọ ga vwẹ kasan kasan ra da guọnọ ukẹcha? Ẹkpahọnphiyọ wẹn da dia e, kẹ wo roro kpahen wo vwo kpo Isikuru rẹ Ihwo ri Ghwoghwo Uvie Na? Ghwe vwo nẹ iklasi rẹsosuọ rẹ ruru, iduduru rẹ iniọvo eya vẹ eshare te e re rọvwọnre vẹ e re je rọvwọ-ọn ghwobọphiyotọ vwọ kẹ isikuru na re. Dedena, iniọvo eshare re je rọvwọ-ọn yen a ma guọnọ. Vuẹ Jihova nẹ o ru owenvwe wẹn ganphiyọ wo se vwo ru obo ri je, je vwẹrokere Ọmọ rọyen. (Une 40:8; Mat. 20:28; Hib. 10:7) Roro kpahen obo wo se vwo siobọnẹ iruo evo wo ruẹ vẹ erọnvwọn efa, wo se vwo muwan.

Uphẹn rẹ ẹga vọ yen rhiephiyọ vwọ kẹ iniọvo ri wontọ nẹ isikuru nana? E ji evo kpo ẹkuotọ ra da jẹ ejajẹ efa yẹrẹ e se ji ayen re ruẹ aghwoghwo azagba vwẹ irere ride. Ọke vwọ yanran na, a sa vwẹ efa mu kerẹ ọ rọ vwẹ ukẹcha kẹ iniruo okinriariẹ, oniruo okinriariẹ, yẹrẹ imishọnare. Wo vwo roro kpahen obo wo se ru vwẹ ẹga ri Jihova na, wo mi vwo ẹwẹn rẹ ọmraro Aizaya rọ vwọ ta: “Mẹvwẹ na! Ji vwe.”—Aiz. 6:8.

NI IVIDIO NA IMISHỌNARE—IHWO RI VUN ORHỌ NA, RERE WỌ KPAHENPHIYỌ ENỌ NANA:

• 

  Mavọ yen a vwọ sane imishọnare?

• 

  Omamọ iruo vọ yen imishọnare ruẹ?

• 

  Erhọ yen ebruphiyọ evo ra mrẹ vwẹ iruo rẹ imishọnare?