Reyọ Imagazini na Vwo Ruiruo Ọkieje

Rhanvwẹ 2018, uyovwinrota vuọvo yen ọvuọvo rẹ imagazini re phiẹ phiyọ ada na ta ota kpahan. Imagazini na eje jehẹ evunrẹ Ekpeti Uyono avwanre. Ọtiọyena, ofori nẹ avwanre reyọ ayen vwo ruiruo vwẹ aghwoghwo na. O ji fo nẹ avwanre ghwa ayen nene oma siẹrẹ avwanre de kpo asan. A reyọ ayen vwo yono ihwo-o, ẹkẹvuọvo e sa vwẹ ukẹcha kẹ ihwo rẹ guọnọ yono kpahen Ọghẹnẹ.

Wọ da ton otaẹtakuẹgbe phiyọ nu, wo mi se ẹkpo ri Baibol ji djunute imagazini ro vwo uyovwinrota ro che je ohwo na. Kerẹ udje, ohwo na de vwo orua yẹrẹ ọ hẹ ẹdia rẹ uvweri yẹrẹ ọdjorho, wọ sa ta: “Mi se ọbe ọvo ro shekpahen ota nana. Mi se dje kẹ wẹ?” Wo de noso nẹ ohwo na vwo omavwerhovwẹn kpahọn, wọ sa reyọ imagazini rọhẹ obọ wẹn na vwọ kẹ yẹrẹ wọ sa vwọ kẹ womarẹ ifonu wẹn, ọ da tobọ dianẹ ọyen obọ rẹsosuọ wọ vwọ mrẹ. Dede nẹ ọ dia e vwo phi imagazini phiyọ ada yen ma ghanre-e, jẹ imagazini na sa chọn avwanre uko vwọ mrẹ ihwo re guọno ru oborẹ ayen yonori.—Iruo 13:48.

2018

2019

2020