Wọ sa Vwẹ Ọke vẹ Ẹgba Wẹn Vwọ Kpahotọ?

Kirobo rẹ Aizaya mraro rọyen, ihwo re rhe ukoko ri Jihova buẹnphiyọ buẹnphiyọ nonẹna. (Aiz. 54:2) Ọtiọyena, a guọnọ Eguan Ruvie kpokpọ, Eguan Romẹvwa kugbe iwevwin rẹ ukoko na efa. A da je bọn iwevwin nana nu, ofori nẹ a vwẹrote ayen, ọke vwọ yanran a sa tobọ rhoma bọn evo. Uphẹn vọ kọyen rhiephiyọ a vwọ vwẹ ọke vẹ ẹgba avwanre vwọ kpahotọ kẹ Jihova?

• Avwanre se vwobọ vwẹ orufon rẹ Ọguan Ruvie na ọ da dianẹ ẹko rẹ avwanre yen ru orufon

• Avwanre sa vwomakpahotọ nẹ e yono avwanre kpahen obo ra sa vwọ vwẹrote Ọguan Ruvie na

• Avwanre se fili ifọmu rẹ Local Design/Construction Volunteer Application (DC-50) rere a sa vwọ vwẹ ukẹcha phia vwọ bọn jẹ rhuẹrẹ Eguan Ruvie re kẹrẹ asan rẹ avwanre dia

• Avwanre ji se fili ifọmu rẹ Application for Volunteer Program (A-19) je vwomakpahotọ vwọ wian vwẹ udughwrẹn ọvo yẹrẹ vrẹ ọtiọyen vwẹ Bẹtẹl rọhẹ oghọn ukoko rọ vwẹrote ẹkuotọ avwanre yẹrẹ oghọn ukoko ọfa.

NI IVIDIO NA EGBEMUO VWỌ KẸ EBANBỌN KPOKPỌ—ẸBẸRE RA REYỌ NORHE, RERE WỌ KPAHENPHIYỌ ENỌ NANA:

• Vwo nẹ 2014 rhire na, mavọ yen ividio rẹ avwanre vwo ruiruo vwo bunphiyọ vwọ vrẹ obo ri jovwo?

• Iruo vọ yen e muegbe rọyen asaọkiephana e se vwo ru ividio buebun ra guọnọre, kẹ ọke vọ yen a cha vwọ ton iruo na phiyọ ji kuophiyọtọ?

• Mavọ yen iniọvo re vwomakpahotọ sa vwọ vwẹ ukẹcha phia vwẹ iruo nana?

• Wọ da guọnọ vwobọ vwẹ iruo rẹ Ramapo na, diesorọ o vwo fo nẹ wo fili ifọmu (DC-50) rere wo se vwo nene Akon Iruo rẹ Ebabọn wian kugbe vwẹ asan rọ kẹrẹ owẹ?

• Die yen djerephia nẹ Jihova yen ghene vwẹrote iruo nana?

• Mavọ yen avwanre se vwo bicha iruo nana ọ da tobọ dianẹ avwanre che se vwobọ vwọ komobọ-ọ?