Die Wo se Yono Mie Iniọvo ri Tedje?

O vwo iniọvo evo re ga Jihova vwẹ ikpe buebun rhire vwẹ ukoko avwanre. E se yono vwo nẹ ẹroẹvwọsuọ ọgangan rẹ ayen vwo kpahen Jihova. Avwanre sa nọ ayen kpahen oborẹ ukoko na tonphiyọ wan vẹ oborẹ Jihova chọn ayen uko vwo phi egbabọse sansan kparobọ. A sa tobọ durhie ọvo usun rẹ iniọvo tiọyena rhe Ẹga Orua rẹ avwanre, rere ọ vuẹ avwanre kpahen obo ro rhiẹromrẹ.

Wọ da dia Onenikristi rọ ga Jihova krẹre, rhievun gbikun rẹ obo wo rhiẹromrẹ vwẹ ẹga ri Jihova vwọ kẹ ighene na. Jekọp vẹ Josẹf gbikun rẹ oborẹ ayen rhiẹromrẹ kẹ emọ rayen. (Jẹn. 48:21, 22; 50:24, 25) Ọke vwọ yanran na, Jihova da vuẹ igbuyovwin rẹ orua nẹ ayen yono emọ rayen kpahen iruo rẹ igbunu rọyen. (Urhi 4:9, 10; Une 78:4-7) Nonẹna, emiọvwọn vẹ iniọvo efa vwevunrẹ ukoko na se gbikun rẹ iruo rẹ igbunu rẹ ukoko ri Jihova rure rẹ ayen rhiẹromrẹ vwọ kẹ emọ rayen vẹ ighene na.

NI IVIDIO NA ORUKUGBE VWẸ ỌKE RA VWỌ DOBỌ RẸ IRUO AVWANRE JI, RERE WỌ KPAHENPHIYỌ ENỌ NANA:

• Mavọ yen oghọn rukoko rẹ Austria vwọ vwẹ ukẹcha kẹ iniọvo avwanre rehẹ ẹkuotọ evo ra da dobọ rẹ iruo rẹ avwanre ji?

• Idjerhe vọ yen iniọvo rehẹ ẹkuotọ sansan nana vwọ bọn esegbuyota rayen gan?

• Diesorọ ighwoghwota buebun rehẹ Romania vwo vrẹn nẹ ukoko na, kẹ mavọ yen ayen se vwo rhivwin rhe?

• Idjerhe vọ yen oborerhiẹromrẹ na vwọ bọn esegbuyota wẹn gan?