EFE RỌHẸ OTA RẸ ỌGHẸNẸ | JẸNẸSIS 44-45
Josẹf Vwo Ghovwo Iniọvo Rọyen
Ọ sa dia bẹnbẹn re vwo ghovwo ohwo, ma rho ọ da dianẹ ohwo na vwẹ arogba vwo gbe avwanre ku. Die yen chọn Josẹf uko o se vwo ghovwo iniọvo rọyen ọke rẹ ayen vwo gbeku?
Josẹf ru orukeri-i, ukperẹ ọtiọyen o vwo ghovwo ayen.—Une 86:5; Luk 17:3, 4
Josẹf si ophu nẹ evun, ọ da vwẹrokere Jihova rọ dia ohwo ro vwo ghovwo ohwo ghwologhwolo.—Maika 7:18, 19
Idjerhe vọ yen me sa vwọ vwẹrokere uruemu rẹ evwoghovwo ri Jihova?