“Wa Kpare Edjọ Erharha ri Rhe Ovwan Ejobi Kufia”

Jekọp riẹnre nẹ Jihova guọnọ ẹga ọsoso dede nẹ ọ je vwẹ urhi phia kpahen edjọẹgọ-ọ. (Eyan. 20:3-5) Ọtiọyena, ọke rẹ Jihova vwọ vuẹ Jekọp nẹ o rhivwin kpo Bẹtẹl, ọ da vuẹ ihwo rọyen eje nẹ ayen do edjọ rayen kufia. Jekọp de do edjọ na kufia, ji te erọnvwọn erhọ rẹ ayen kuẹphiyọ kerẹ ekpọfia. (Jẹn. 35:1-4) Aphro herọ-ọ, oborẹ Jekọp ruru na vwerhen Jihova oma.

Nonẹna, idjerhe vọ yen avwanre sa vwọ vwẹ ẹga ọsoso vwọ kẹ Jihova? Ẹsosuọ, avwanre cha kẹnoma kẹ kemu kemu ro churobọ si edjọẹgọ yẹrẹ uruemu orhan. Ọnana ji shekpahen re vwo siobọnu korọnvwọn korọnvwọn ro churobọ si ukoko rẹ odjahọn yẹrẹ ra vwọ nabọ fuẹrẹn erọnvwọn ra vwọ diotọ. Kerẹ udje, nọ oma wẹn: ‘Ẹbe mi se yẹrẹ ifimu mi nẹ vọnre vẹ erọnvwọn kerẹ ivampaya, izombi yẹrẹ ẹgba rẹ imajiki? Erọnvwọn me vwọ diotọ titi imajiki vẹ ẹruan kerẹ erọnvwọn ri jẹ ẹbra?’ E jẹ a kẹnoma kẹ kemu kemu ri tu Jihova oma.—Une 97:10.

NI IVIDIO NA “VWỌSO IDẸBONO,” RERE WỌ KPAHENPHIYỌ ENỌ NANA:

• 

  Ebẹnbẹn vọ yen vwomaphia vwẹ akpeyeren ri Palesa?

• 

  Diesorọ ọ vwọ dia emu aghwanre ra vwọ guọnọ ukẹcha rẹ ekpako na vwẹ eta ri shekpahen iruemu rẹ orhan?

• 

  Erọnvwọn vọ yen ofori nẹ ihwo re guọnọ ochọnvwe ri Jihova kẹnoma kẹ kare kare?

• Die yen Palesa ruru?

• Vwẹ asan wọ dia, erhọ yen idjerhe evo ra sa vwọ kẹnoma kẹ erọnvwọn ri churobọ si iruemu rẹ orhan?