EFE RỌHẸ OTA RẸ ỌGHẸNẸ | JẸNẸSIS 32-33

Wọ Họnra Vwọ kẹ Ebruphiyọ?

Ebruphiyọ ri Jihova ki se te avwanre obọ, ofori nẹ a davwẹngba vwo phi ọdavwẹ rẹ Uvie na phiyọ ẹdia rẹsosuọ vwẹ akpeyeren avwanre. (1 Kọr. 9:26, 27) Avwanre vwọ ga Jihova na, ofori nẹ e vwo oka rẹ ẹwẹn ro rhe Jekọp ọke ro vwo nene amakashe muabọ. Avwanre djephia nẹ a guọnọ vwo ebruphiyọ ri Jihova womarẹ . . .

A vwọ nabọ muegbe vwọ kẹ emẹvwa
E vwo vwobọ vwẹ iruo aghwoghwo na kọke kọke
A vwọ davwẹngba vwọ chọn ihwo uko vwevunrẹ ukoko na

Ihoho: Oni rọ wian gangan. 1. Ọ nẹrhovwo tavwen ọ ke tuẹn owian ẹdẹ na phiyọ. 2. Ọ vwẹ emu vwọ kẹ ọmọtẹ rọyen otete tavwen o ki kpo iruo aghwoghwo. 3. Oma nabọ vwerhọn ọke rọ vẹ emetẹ rọyen ivẹ kugbe iniọvo eya rehẹ ukoko rọyen vwọ hẹ iruo aghwoghwo.

Otoro obo rẹ erọnvwọn gan kẹ wẹ te-e, yare ukẹcha ri Jihova ọkieje, je vuẹ nẹ o bruba ẹgbaẹdavwọn wẹn vwevunrẹ ẹga rọyen na.

NỌ OMA WẸN, ‘Ẹbẹre vọ vwevunrẹ akpeyeren mẹ me da guọnọ ẹgbaedavwọn ọgangan mi se vwo vwo ebruphiyọ ri Jihova?’