February 24–March 1

JẸNẸSIS 20-21

“Jihova Ruẹ Obo ro Veri Ọkieje”: (Ibrẹro 10)
- Jẹn. 21:1-3—Sera mrevun o de vwiẹ ọmọshare (wp17.5 14-15)
- Jẹn. 21:5-7—Jihova ru emu igbunu
- Jẹn. 21:10-12, 14—Ebraham vẹ Sera vwo esegbuyota ọgangan kpahen ive ri Jihova ro shekpahen Aizik
Hiẹ Guọnọ Efe Na: (Ibrẹro 10)
- Jẹn. 20:12—Idjerhe vọ yen Sera vwọ dia oniọvo rẹ Ebraham? (wp17.3 12, eta rehẹ obotọ na.)
- Jẹn. 21:33—Idjerhe vọ yen Ebraham vwo “se odẹ rẹ Ọrovwohwo”? (w89 7/1 20 ẹko. 9)
- Efe ọfa vọ yen wọ hiẹ mrẹ vwevunrẹ isese ri Baibol rẹ udughwrẹn nana ro shekpahen Jihova Ọghẹnẹ, iruo aghwoghwo na yẹrẹ orọnvwọn ọfa?
Isese ri Baibol: (Ibrẹro 4 kpotọ) Jẹn. 20:1-18 (th uyono 5)

Ividio rẹ Orhivwinbrura rẹ Obọ Rivẹ: (Ibrẹro 5) Otaẹtakuẹgbe. Hworo ividio na, rere wọ nọ otu na enọ nana: Mavọ yen oghwoghwota na vwo dje ọghanrovwẹ rẹ ẹkpo ri Baibol na phia? Mavọ yen ọnana vwọ dia omamọ rẹ udje ra vwọ yan muẹ ohwo ro dje omavwerhovwẹn phia?
Orhivwinbrura rẹ Obọ Rivẹ: (Ibrẹro 3 kpotọ) Reyọ obo wọ sa ta rọhẹ aruọbe 1 vwo ruiruo. (th uyono 4)
Uyono ri Baibol: (Ibrẹro 5 kpotọ) bhs 35 ẹko. 19-20 (th uyono 3)

Une 111
Iyẹnrẹn rẹ Ẹga rẹ Ukpe Na: (Ibrẹro 15) Ota rẹ ọkpako cha ta. Wo de se ileta ro nẹ oghọn rẹ ukoko rhe ro shekpahen iyẹnrẹn rẹ ẹga rẹ ukpe na nu, gba riẹnmie ighwoghwota rẹ wọ sane phiyotọ, ri vwo oborerhiẹromrẹ re vwerhoma vwẹ aghwoghwo na vwẹ ukpe rọ wanre na.
Uyono ri Baibol Rukoko: (Ibrẹro 30) we aruọbe 15 ẹko. 2 re te aruọbe 16 ẹko. 4
Eta rẹ Okuphiyọ (Ibrẹro 3 kpotọ)
Une 119 vẹ Ẹrhovwo