Die Wo se Yono nẹ Ine Na?

Erhọ yen usun rẹ ine evo ri je we mamọ? Diesorọ? Wo rorori nẹ ividio rẹ ine na dje obo re ghwe rhiẹromrẹ vwẹ akpeyeren ri kẹdẹ kẹdẹ? Ine na vwo ena rẹ ine vẹ uhworo sansan, ọtiọyena ohwo vuọvo se hworo ọ rọ guọnọre. Ẹkẹvuọvo, ine vẹ ividio rẹ uhworo na vrẹ a de vwọ reyọ ayen vwọ diotọ.

Ine rẹ kemeranvwe kemeranvwe na yono avwanre iyono eghanghanre re se vwo ruiruo vwẹ akpeyeren vẹ iruo aghwoghwo na. Ine evo ta ota kpahen a vwọ ghọ erhorha, oyerinkugbe, igbeyan, uduefiogbere, ẹguọnọ yẹrẹ esegbuyota. Efa da rha ta ota kpahen obo re se vwo rhivwin bru Jihova, evwoghovwo, ra vwọ sẹro rẹ ọyọnregan kugbe ra vwọ guọnọ idjerhe efa ra sa vwọ ga Jihova. Une ọvo tobọ herọ rọ ta ota kpahen obo ra sa vwọ reyọ ifonu vwo ruiruo vwẹ idjerhe abavo. Iyono eghanghanre efa vọ yen wo yono vwo nẹ ine rẹ kemeravwe kemeravwe na?

NI IVIDIO RẸ UNE NA O SIKẸRE MAMỌ RE, RERE WỌ KPAHENPHIYỌ ENỌ NANA:

• Ebruphiyọ vọ yen aye gbe ọshare nana re ghwore na roro kpahan?—Jẹn. 12:3

• Mavọ yen avwanre se vwo ru esegbuyota avwanre gan kpahen ẹgba rẹ Jihova se vwo ru obo ro veri?

• Ihwo vọ yen cha rhoma yerin kugbe kẹrẹkpẹ?

• Mavọ yen iphiẹrophiyọ rẹ Uvie na vwọ chọn avwanre uko vwo chirakọn rẹ edavwini nonẹna?—Rom 8:25