“Akpọ na Ejobi kẹ Ephẹrẹ Ọvo”

11:1-4, 6-9

Vwẹ Babel, Jihova da yanghan ephẹrẹ rẹ ihwo ri jẹ emienyo na, ọ da nẹrhẹ ayen hra nene asan eje. Nonena, Jihova koko urogho rẹ ihwo buebun vwo nẹ ẹgborho eje kugbe ephẹrẹ eje, kọ kẹ ayen “omamọ rẹ ephẹrẹ, rere ayen ejobi vwo se se odẹ rẹ Ọrovwohwo re ayen ku evun gbe ọvo vwọ ga.” (Zẹf. 3:9; Ẹvwọ. 7:9) “Omamọ rẹ ephẹrẹ” na yen uyota ro shekpahen Jihova vẹ ọhọre rọyen rọhẹ evunrẹ Baibol na.

Eyono rẹ ephẹrẹ kpokpọ vrẹ a de vwọ riẹn eta evo kwuyovwin. O mudiaphiyọ nẹ e che wene obo re roro emu wan. Vwẹ idjerhe vuọvo na, eyono rẹ omamọ rẹ ephẹrẹ rẹ uyota na wene iroro avwanre. (Rom 12:2) Onana eyono rẹ ọkieje rọ nẹrhẹ ihwo rẹ Oghẹnẹ yerẹn kuẹgbe nonẹna.—1 Kọr. 1:10.