Jihova Vwo Ẹguọnọ rẹ Ihwo re Pha Fuanfon

“Hworhẹ abọ wẹn. Ru uwevwin wẹn fon. Hwerhe egodo wẹn. Ku inuhu kufia.” Emiọvwọn buebun yono emọ rayen oborẹ ayen sa vwọ dia fuanfon. Ẹkẹvuọvo, uruemu ra vwọ dia fuanfon na nẹ obọ rẹ Ọghẹnẹ avwanre rhe, rọ dia ohwo ọfuanfon na. (Eyan. 30:18-20; Urhi 23:14; 2 Kọr. 7:1) E de ru oma rẹ avwanre vẹ ekuakua avwanre fon, jẹ avwanre brọghọphiyọ Jihova oma. (1 Pita 1:14-16) Kẹ uwevwin vẹ egodo rẹ avwanre vwo? Vwọ fẹnẹ ihwo ri do inuhu nene asan eje, Inenikristi davwẹngba vwo ru akpọ na fuan. (Une 115:16; Ẹvwọ. 11:18) E se djephia nẹ e vwo uruemu rẹ ofuanfon vwevunrẹ erọnvwọn itete kerẹ asan ro fori nẹ e do ẹbe iswiti, iko, yẹrẹ ishigọmu phiyọ. Vwẹ akpeyeren avwanre eje, ofori nẹ e “dje oma rẹ avwanre phia kerẹ idibo rẹ Ọghẹnẹ.”—2 Kọr. 6:3, 4.

NI IVIDIO NA ỌGHẸNẸ VWO ẸGUỌNỌ RẸ IHWO RE PHA FUANFON, RERE WỌ KPAHENPHIYỌ ENỌ NANA:

• Die yen ihwo evo tanẹ ọyen nẹrhẹ ekuakua rayen dia gbegbe?

• Mavọ yen Urhi ri Mosis vwo dje ẹro rẹ Jihova vwo nẹ ofuanfon?

• Mavọ yen avwanre sa vwọ ghwa ujiri rhe Jihova ọ da tobọ dianẹ avwanre ta ota-a?