Die Yen Jihova Che Roro?

Tavwen wo ki brorhiẹn ride yẹrẹ itete, wọ nọ oma wẹn, ‘Die yen Jihova che roro?’ Dede nẹ a cha sa riẹn iroro rẹ Jihova eje-e, jẹ o dje obo ra guọnọre vwọ kẹ avwanre vwẹ Ota rọyen re sa chọn avwanre uko vwo ru “iruo esiri” ejobi. (2 Tim. 3:16, 17; Rom 11:33, 34) Jesu nabọ riẹn ọhọre rẹ Jihova, ọ da reyọ vwọ kobaro vwẹ akpeyeren rọyen. (Jọn 4:34) E jẹ a vwẹrokere Jesu vwọ davwẹngba avwanre eje vwo brorhiẹn re cha vwerhen Jihova oma.—Jọn 8:28, 29; Ẹfe. 5:15-17.

NI IVIDIO NA WE RHE VWO ẸRUỌ RẸ ỌHỌRE RẸ JIHOVA (LIV. 19:18), RERE WỌ KPAHENPHIYỌ ENỌ NANA:

• Diesorọ o vwo fo nẹ a vwẹ odjekẹ rẹ Baibol vwo ruiruo vwẹ akpeyeren?

• Odjekẹ rẹ Baibol vọ yen ofori nẹ a vwọ fuẹrẹn ine ra kerhọ kẹ?

• Odjekẹ rẹ Baibol vọ yen ofori nẹ a vwọ fuẹrẹn irhuon vẹ osẹnvwe rẹ avwanre?

• Ẹdia efa vọ yen o de fo nẹ a reyọ odjekẹ rẹ Baibol vwo ruiruo?

• Mavọ yen e se vwo vwo ẹruọ rẹ oborẹ ọhọre rẹ Jihova hepha kpobarophiyọ?