Ru Uyono Romobọ Wẹn Yovwinphiyọ

OBORESORỌ Ọ VWỌ GHANRE: Uyono romobọ vwẹ ukẹcha kẹ avwanre “vwọ riẹn ohẹhẹre kugbe ugrogro kugbe enuẹra kugbe ukokodo” rẹ uyota na. (Ẹfe. 3:18) Ọ cha avwanre uko vwọ dia ihwo ri jẹ abe ẹriọ kugbe ihwo ri jẹ ẹgua evwo vwẹ akpọ umwemwu nana, ọ jẹ nẹrhẹ avwanre “yọnre ota rẹ arhọ na kokoroko.” (Fil. 2:15, 16) Avwanre ohwo ọvuọvo vwo uphẹn ra vwọ sane obo re che vwo ru uyono romobọ. Die yen avwanre se ru, a vwọ mrẹ erere vọnvọn vwo nẹ isese vẹ eyono rẹ Baibol na?

OBO RE CHE RUO WAN:

• Reyọ ọda vwọ jokaphiyọ awọreta sansan, ji si eta phiyotọ vwevunrẹ Baibol wo vwo ruẹ uyono romobọ na, owenẹ ọ dia evunrẹ ifonu, itablẹti, ikọmputa yẹrẹ ọbe

• Wo vwo se Ota rẹ Ọghẹnẹ na, nọ oma wẹn enọ nana: ‘Ono? Die? Ọke vọ? Tivọ? Diesorọ? Mavọ?’

• Riẹn uyota na. Reyọ ekuakua re vwo ruẹ ehiahiẹ re herọ vwo ruiruo, ru ehiahiẹ kpahen uyovwinrota yẹrẹ awọreta rẹ Baibol na

• Nabọ roro kokodo kpahen obo wo se na, rere wọ mrẹ oborẹ ovuẹ wo se na shekpahen owẹ wan

• Reyọ obo wo yonori na vwo ruiruo vwẹ akpeyeren wẹn kẹdẹ kẹdẹ.—Luk 6:47, 48

NI IVIDIO NA YỌNRỌN OTA RẸ ỌGHẸNẸ KOKOROKO—WOMARẸ UYONO ROMOBỌ RỌ NABỌ GHWOTỌ, RERE WỌ KPAHENPHIYỌ ENỌ NANA:

• Mavọ yen ihwo evo djisẹ rẹ uyono romobọ?

• Diesorọ o vwo fo nẹ a nẹrhovwo kọke kọke re de che ru uyono romobọ?

• Die yen sa chọn avwanre uko vwọ nabọ vwo ẹruọ rẹ ẹkpo rẹ Baibol?

• Idjerhe vọ yen a sa vwọ jokaphiyọ Baibol re vwo ruẹ uyono romobọ?

• Diesorọ ọ vwọ dia obo re ghanre, e vwo roro kpahen obo re seri ọke re de yono Ota rẹ Ọghẹnẹ?

• Die yen ofori nẹ e ru kpahen obo re yonori?