Mavọ Yen Wo Che Muegbe Vwọ kẹ Ẹkarophiyọ Na?

Ghwe vwo nẹ ukpe nana yanran, avwanre che vwo ọke buebun re che vwo muegbe vwọ kẹ Ẹkarophiyọ rẹ ughwu rẹ Kristi na. Ẹkarophiyọ na de shephiyọ uvwre rẹ udughwrẹn, e che ru uyono rẹ Akpeyeren vẹ Iruo Ruvie Na vwẹ udughwrẹn yena-a. Ẹkarophiyọ na de rhe shephiyọ oba rẹ udughwrẹn, a cha ta ota rotu, ji ru Uyono rẹ Uwevwin Orhẹrẹ vwẹ udughwrẹn yena-a. Mavọ yen wọ cha ghwọrọ ọke nana ra vwọba ọrhuẹrẹphiyotọ wẹn na? Kirobo rọ hepha vwẹ ẹgbukpe ujorin rẹsosuọ, ofori e vwo muegbe vwọ kẹ irueru oghẹresan nana. (Luk 22:7-13; km 3/15 1) Ofori avwanre eje vwo muegbe rẹ ubiudu avwanre. Mavọ yen e se vwo ru ọtiọyen?

• Roro kpahen obo rọ ghanre te wo vwo kpo irueru na.—1 Kọr. 11:23-26

• Nẹrhovwo, wo ji roro kpahen oyerinkugbe wẹn vẹ Jihova.—1 Kọr. 11:27-29; 2 Kọr. 13:5

• Se ẹbe rẹ Ukoko na re ta ota kpahen oborẹ Ẹkarophiyọ na mudiaphiyọ, wo ji roro kpahen ayen.—Jọn 3:16; 15:13

Ighwoghwota evo se, ji roro kpahan Isese rẹ Baibol rẹ Ẹkarophiyọ na ra mrẹ vwẹ ẹmẹbe rẹ Fuẹrẹn Isiesi Ọfuanfon na Kẹdẹ Kẹdẹ. Efa se ẹkpo rẹ Baibol rehẹ ekpeti rọhẹ obotọ na. Efa rhoma fuẹnrẹn iyovwinreta rẹ Uwevwin Orhẹrẹ re ta ota kpahen Ẹkarophiyọ na kugbe ẹguọnọ rẹ Jihova vẹ Jesu djephia kẹ avwanre. Ona rẹ uyono wọ sanere eje, e jẹ o si we kẹre Jihova vẹ Ọmọ rọyen kpẹkpẹ phiyọ.