Ru Ona Rẹ Aghwoghwo Wẹn Yovwin Phiyọ—Dobọ Uyono rẹ Baibol rẹ Ohwo rọ Yan Phiaro-o Ji

OBORESORỌ Ọ VWỌ GHANRE: Ihwo ki se sivwin rhọ, ayen che se odẹ rẹ Jihova tavwen. (Rom 10:13, 14) Jẹ ọ dia ihwo ejobi re rhọvwen yono Baibol na yen guọnọ yeren akpọ nene irhi rẹ Jihova-a. Ihwo re guọnọ ru ewene re vwerhen Jihova oma vwẹ akpeyeren yen avwanre ghwọrọ ọke vwẹ ukẹcha kẹ vwẹ aghwoghwo na. Siẹrẹ ohwo ra vwẹ Baibol yono rha yan phiaro-o, dede nẹ a ghwọrọ ọke buebun phiyọ uyono na re, ọyen emu aghwanre a vwọ dobọ rẹ uyono na ji, rere a ghwọrọ ọke avwanre vwo yono ihwo rẹ Jihova se te oma rọyen vẹ ukoko rọyen. (Jọn 6:44) Jẹ, ọke vwọ yanra na, ohwo na de wene uruemu rọyen, ji djephia nẹ e “ve arhọ ri bẹdẹ na kẹ,” avwanre ke sa rhoma ton uyono na phiyọ.—Iruo 13:48.

OBO RE CHE RUO WAN:

• Jiri ohwo wo yono na fikirẹ owenvwe rọyen ro vwo vwo erianriẹn ọgbagba.—1 Tim. 2:4

• Kanrunumu ọghanrovwẹ rọ vwọ reyọ obo ro yonori na vwo ruiruo.—Luk 6:46-49

• Wẹ vẹ ọyen ta ota kpahen itẹ rẹ ọkekankọn rẹ Jesu kperi na, rere o roro kpahen oboresorọ ọ yan phiaro-o.—Mat. 13:18-23

• Vwẹ aghwanre vuẹ oboresorọ wọ cha vwọ dobọ rẹ uyono na ji

• Jẹ ọ riẹn nẹ wọ cha rha nokpẹn rọyen nọke ra ruọke wo vwo phiuduphiyọ awọ, nẹ uyono na sa rhoma tonphiyọ siẹrẹ o de ru ewene

NI IVIDIO NA, RERE WỌ KPAHENPHIYỌ ENỌ NANA:

• Die wọ mrẹvughe vwẹ ota rayen na ro djerephia nẹ ọ re yono na yan phiaro-o?

• Idjerhe vọ yen oghwoghwota na vwo dje kẹ ọ re yono na nẹ ofori o vwo ru ewene?

• Idjerhe vọ yen oghwoghwota na vwo rhie idjerhe phiyọ vwọ kẹ ọke ọfa, ọ da dianẹ ọ re yono na ru ewene?