Wo Vughe Iruemu re jẹ Mrẹ rẹ Ọghẹnẹ Vwori?

Ọke wo de ni idodo, isio buebun vwẹ obenu na, ame ro hwẹ nẹ ugbenu cha, wọ sa mrẹ iruo rẹ obọ rẹ Ọmemama? Emama re riariẹ avwanre phiyọ dje iruemu re jẹ mrẹ rẹ Jihova vwori phia. (Rom 1:20) Siẹrẹ avwanre da fọ, roro kpahen oborẹ ẹro rẹ avwanre mrẹ, kẹ avwanre sa mrẹ ẹgba, ẹguọnọ, aghwanre, kugbe orhiẹn abavo rẹ Ọghẹnẹ, eriyin ji te uruemu ẹseruo rọyen.—Une 104:24.

Die yen emama rẹ Jihova evo rẹ wọ mrẹ kẹdẹ kẹdẹ? Ọ da tobọ dianẹ orere yen wọ dia, wọ sa mrẹ emephran yẹrẹ irhe. A da nabọ fuẹnrẹn emama rẹ Jihova, ọ sa nẹrhẹ e siobọ rẹ ẹwan kpotọ, vwẹ ẹro abavo vwo ni ebẹnbẹn rẹ avwanre, ji ru esegbuyota avwanre ganphiyọ kpahen ẹgba rẹ Jihova rọ vwọ vwẹrote avwanre. (Mat. 6:25-32) Wo de vwo emọ, chọn ayen uko vwọ mrẹ iruemu rẹ Jihova ra mrẹ vwo dje-e. Avwanre da nabọ fuẹnrẹn emama re riariẹ avwanre phiyọ, o che mu avwanre vwo sikẹre Ọmemama na phiyọ.—Une 8:3, 4.

NI IVIDIO NA IGBEVWUNU RẸ EMAMA DJE URINRIN RẸ ỌGHẸNẸ PHIA—URHUKPẸ VẸ IKỌLỌ, RERE WỌ KPAHENPHIYỌ ENỌ NANA:

• Diesorọ avwanre vwọ mrẹ ikọlọ sansan?

• Die yen nẹrhẹ emama yẹrẹ erọnvwọn evo vwo ikọlọ iyoyovwin re se iridescence?

• Diesorọ avwanre vwọ mrẹ ikọlọ sansan vwẹ obenu na?

• Ikọlọ ro vwo erhuvwu mamọ vọ yen wọ mrẹ re vwẹ asan wọ dia?

• Diesorọ o vwo fo nẹ a ghwọrọ ọke vwọ fuẹnrẹn oborẹ Ọghẹnẹ mare?