November 19-25

IRUO RẸ IYINKỌN NA 4-5

“Ayen Fiudugberi Ghwoghwo Ota rẹ Ọghẹnẹ”: (Ibrẹro 10)
- Iruo 4:5-13—Dede nẹ ayen “ihwo ghevweghe” re yonori-i, jẹ Pita vẹ Jọn chochọn rẹ esegbuyota rayen vwẹ obaro rẹ isun kugbe isiẹbe na (w08 9/1 15, ekpeti; w08 5/15 30 ẹko. 6)
- Iruo 4:18-20—Dede nẹ a djẹ uguegue mu ayen, Pita vẹ Jọn dobọ rẹ aghwoghwo ji-i
- Iruo 4:23-31—Inenikristi rẹ ẹgbukpe ujorin rẹsosuọ vwẹroso ẹwẹn ọfuanfon rẹ Jihova vwọ kẹ uduefiogbere (it-1 128 ẹko. 3)
Hiẹ Guọnọ Efe Na: (Ibrẹro 8)
- Iruo 4:11—Idjerhe vọ yen Jesu vwọ dia “ọrovwuyovwi vwẹ ubienyẹ”? (it-1 514 ẹko. 4)
- Iruo 5:1—Die yen nẹrhẹ Ananayas vẹ Safira shẹ otọ rayen ọvo? (w13 3/1 15 ẹko. 4)
- Die yen isese rẹ Baibol rẹ udughwrẹn nana yono uwe kpahen Jihova?
- Efe ọfa vọ yen wọ hiẹ mrẹ vwevunrẹ isese rẹ Baibol rẹ udughwrẹn nana?
Isese rẹ Baibol: (Ibrẹro 4 kpotọ) Iruo 5:27-42

Obọ Rẹsosuọ: (Ibrẹro 2 kpotọ) Reyọ obo wọ sa ta vwọ tonphiyọ. Kpahenphiyọ ota ọvo rẹ ihwo ta ọkieje vwo gbowọphiyọ aghwoghwo na vwẹ ekogho wo de ghwoghwo.
Orhivwinbrura rẹ Obọ Rẹsosuọ: (Ibrẹro 3 kpotọ) Reyọ obo wọ sa ta vwọ tonphiyọ. Ohwo na vuẹ wẹ nẹ ọyen Onenikristi.
Ividio rẹ Orhivwinbrura rẹ Obọ Rivẹ: (Ibrẹro 5) Hworo ividio na wo ji vwo ru otaẹtakuẹgbe.

Une 82
“Ebruphiyọ Ra Mrẹ nẹ Aghwoghwo Azagba Ra Reyọ Imikpekpa Vwo Ruẹ”: (Ibrẹro 15) Otaẹtakuẹgbe. Oniruo rọvwẹrote iruo rẹga na yen cha vwẹrote ẹbẹre nana. Hworo ividio na. Ọ da dianẹ ukoko wẹn reyọ imikpekpa yẹrẹ imẹjẹ vwo ruẹ aghwoghwo rẹ azagba, gbe muo rhe umukpe na rere wo dje kẹ otu na. Djunute ọrhuẹrẹphiyotọ rẹ ukoko wẹn vwori. Ọke da herọ, gbikun yẹrẹ ru ẹvwariẹnruo rẹ oborerhiẹromrẹ vwẹ ekogho na. Djekpahen oborẹ ighwoghwota se vwo vwobọ vwọ.
Uyono rẹ Baibol Rukoko: (Ibrẹro 30) lv uyovwinrota 16 ẹko. 1-8
Ọdjẹkoko rẹ Uyono rẹ Nonẹna vẹ ọ rọ Cha Na (Ibrẹro 3)
Une 64 vẹ Ẹrhovwo