Ẹguọnọ Yen E Vwo Vughe Inenikristi rẹ Uyota—Ghọghọ Fikirẹ Uyota Na

OBORESORỌ Ọ VWỌ GHANRE: Ofori avwanre vwọ vwẹrokere Jesu vwo se oseri rẹ uyota ro shekpahen ọhọre rẹ Ọghẹnẹ. (Jọn 18:37) Ofori avwanre vwọ ghọghọ fikirẹ uyota na, ta uyota na, ji roro kpahen kemu kemu rọ dia uyota, dede nẹ avwanre yerẹn vwẹ akpọ rọ vọnre vẹ efian kugbe umwemwu.—1 Kọr. 13:6; Fil. 4:8.

OBO RE CHE RUO WAN:

• Brorhiẹn nẹ wọ cha kerhọ kẹ iguegun re vwo miovwon ohwo yẹrẹ hrahrọ-ọ.—1 Tẹsa. 4:11

• Wọ ghọghọ fikirẹ okpetu ro te ohwo ọfa oma-a

• Jẹ oma vwerhen ovwẹ kpahen emu esiri re sa bọn ohwo gan

NI IVIDIO NA “OVWAN GUỌNỌ OHWOHWO”—WỌ GHỌGHỌ FIKIRẸ OBO RE CHỌRE-E, ẸKẸVUỌVO GHỌGHỌ FIKIRẸ UYOTA NA, RERE WỌ KPAHENPHIYỌ ENỌ NANA:

• Vwọrẹ ọhọ vọ yen Debbie vwọ “ghọghọ gbe obo re chọre”?

• Mavọ yen Alice vwọ kpọ ota rọ vẹ Debbie ta na kpo ọ ro shephiyọ?

• Erhọ yen emu esiri evo rẹ avwanre sa ta ota kpahen?