Vwẹrokere Kristi

Jesu phi udje phiyotọ rẹ avwanre nene, marho vwẹ ọke rẹ omukpahen vẹ edavwini. (1 Pita 2:21-23) Dede nẹ a reyọ Jesu vwọ jehwẹ, ọ kpahota-a, tobọ vwẹ ọke rọ vwọ rioja. (Mak 15:29-32) Die yen chọn rọ uko vwo chirakon? O brorhiẹn ro vwo ru ọhọre rẹ Jihova. (Jọn 6:38) Ọ je tẹnrovi “aghọghọ rọ hẹ obaro kẹ.”​—Hib. 12:2.

Die yen avwanre ru siẹrẹ e de muẹkpahen avwanre fikirẹ esegbuyota rẹ avwanre? Egọghẹnẹ rẹ uyota vwẹ “umwemwu hwa osa rẹ umwemwu-u.” (Rom 12:14, 17) Avwanre da vwẹrokere Kristi vwo chirakon rẹ oja, avwanre ke sa ghọghọ kidie a cha mrẹ ẹroesiri rẹ Ọghẹnẹ.​—Mat. 5:10-12; 1 Pita 4:12-14.

NI IVIDIO RẸ ODẸ RẸ JIHOVA YEN MA GHANRE, RERE WỌ KPAHENPHIYỌ ENỌ NANA:

• Idjerhe vọ yen oniọvo aye Pötzingera vwọ reyọ ọke rọyen ruiruo vẹ aghwanre ọke re vwo muo phiyọ uwondi?

• Oja vọ yen oniọvo Pötzinger vẹ aye rọyen chirakon rọyen vwẹ uwondi sansan?

• Die yen chọn ayen uko vwo chirakon?