“Mu Ọghọ kẹ Ọsẹ Wẹn vẹ Oni Wẹn”

Ọke rẹ Jesu vwọ hẹ otọrakpọ na, ọ kanrunumu iji nana: “Mu ọghọ kẹ ọsẹ wẹn vẹ oni wẹn.” (Eyan. 20:12; Mat. 15:4) Jesu sa nabọ kanrunumu ota nana kidie ọ “vwẹ oma kpotọ kẹ” ọsẹ vẹ oni rọyen kerẹ eghene. (Luk 2:51) Kerẹ omiragua, o ru ọrhuẹrẹphiyotọ ra vwọ vwẹrote oni rọyen ọke ro de ghwu nu.​—Jọn. 19:26, 27.

Vwẹ ọke rẹ avwanre na, ighene re dia Inenikristi re kerhọ rẹ esẹ vẹ ini rayen, je vwomakpotọ ta ota kẹ ayen, djephia nẹ ayen muọghọ kẹ ayen. Vwọrẹ uyota, ọkieje yen o vwo fo nẹ a vwẹ iji rẹ muọghọ kẹ ọsẹ vẹ oni wẹn na vwo ruiruo. Esẹ vẹ ini rẹ avwanre da tobọ ghwore, o ji fo nẹ e muọghọ kẹ ayen, womarẹ a vwọ kerhọ kẹ eta rẹ aghwanre rayen. (Isẹ 23:22) Avwanre ji muọghọ kẹ esẹ vẹ ini rẹ avwanre re ghwore siẹrẹ a da davwenrhọ rayen, je vwẹ igho vwo rhe ayen. (1 Tim. 5:8) Owenẹ avwanre dia ighene yẹrẹ imiragua, a vẹ esẹ kugbe ini rẹ avwanre vwọ ta ota kuẹgbe ọkieje, ọyen uvi rẹ idjerhe re vwo muọghọ kẹ ayen.

NI IVIDIO RẸ IKATUNU RE SIẸ PHIYẸ OPHAPHA MAVỌ ME SA VWỌ TA OTA KẸ ỌSE VẸ ONI MẸ? RERE WỌ KPAHENPHIYỌ ENỌ NANA:

• Die yen sa nẹrhẹ ọ bẹn kẹ wẹ rẹ wẹ vẹ ọsẹ kugbe oni wẹn vwọ ta ota kugbe?

• Idjerhe vọ yen wo se vwo muọghọ kẹ ọsẹ vẹ oni wẹn ọke wọ da ta ota kẹ ayen?

  

• Diesorọ ọ vwọ ghanre nẹ wọ ta ota kẹ ọsẹ vẹ oni wẹn? (Isẹ 15:22)