Wọ vẹ Omoni Wẹn na Rhuẹrẹ Kugbe Tavwen​—Vwẹ Idjerhe Vọ?

Vwẹ ẹro roro nẹ wọ dia Galili vwẹ ọke rẹ Jesu. Wo kpo Orẹ rẹ Ọgarivi na vwẹ Jerusalẹm. Orere na vọnre vẹ ihwo ri nẹ asan shesheri rhe rhe ga ẹga. Wọ guọnọ ze izobo kẹ Jihova. Wo mu ẹvwe wẹn nene oma, wọ da yan wan irhuvwun na re vọnre vẹ ihwo buebun kpo uwevwin rẹ ẹga na. Wo vwo te etiyin, ihwo buebun vọn uwevwin rẹ ẹga na re guọnọ ze izobo. Enẹna, o te ọke wo che vwo mu ẹvwe wẹn kẹ orherẹn na re. Ọke yena, wọ da rhe karophiyọ nẹ wẹ vẹ oniọvo wẹn ọvo vwo ẹghwọ, ọ sa dianẹ oniọvo wẹn na je hẹ usun rẹ ihwo re guọnọ ze izobo na yẹrẹ ọ hẹ asan ọvo vwevunrẹ orere na. Jesu dje oborẹ wo che ru. (Se Matiu 5:24.) Mavọ yen wẹ vẹ oniọvo wẹn rẹ ivun miovwẹ na sa vwọ reyọ vwọ tua ufuoma kirobo rẹ Jesu tare? Vwẹ ekpeti rehẹ obotọ na, jokaphiyọ ọ rẹ ẹkpahọnphiyọ rọyen gbare.

OFORI NẸ . . .

• vwo yovwunu kẹ oniọvo wẹn na siẹrẹ wo de roro nẹ o ghini fo ivun vwo miovwo jovwo

• wọ davwẹngba vwọ kpọ iroro rọyen vi siẹrẹ wo de roro nẹ ọ fobọ muophu nọ, yẹrẹ roro nẹ ovwan ihwo ivẹ na yen so ebẹnbẹn na

• wọ nabọ kerhọ ọke rẹ oniọvo wẹn na da ta obo rehẹ ẹwẹn rọyen, ọ da tobọ dianẹ wọ ghwa sa riẹn oboresorọ ivun vwo miovwo-o, ji yovwunu ghene

OFORI NẸ ONIỌVO WẸN . . .

• gun kẹ ihwo efa vwevunrẹ ukoko na rọ vwọ vuẹ ayen kpahan obo ru wo gbere ku wan

• ghwọku uwe, rọ vwọ kanrunumuẹ oborẹ erọnvwọn phia wan, rere wọ vwọ rhọnvwe nẹ obọ wẹn yen ebẹnbẹn na nurhe

• mrẹvughe nẹ ọ reyọ omaevwokpotọ vẹ uduefiogbere tavwen wo ki se bro rhe, o mi vwo ghovwo uwe vwo nẹ ubiudu rhe

Dede nẹ avwanre rhe ze izobo rẹ eranvwe vwẹ ẹga rẹ avwanre nonẹna-a, die yen Jesu yono kpahen oyerinkugbe rẹ ufuoma rọhẹ uvwre avwanre vẹ iniọvo avwanre kugbe ẹga rẹ Ọghẹnẹ rhiabọreyọ?