Iruemu ri Fori nẹ e Djephia Vwẹ Anurhoro

Inenikristi “hirhe oma phihọ ihwo rẹ akpọ vwo nẹ ughe.” (1 Kọr. 4:9) O rhe gbe avwanre unu nẹ ihwo rẹ avwanre ghwoghwo ota kẹ wan ovakpo ni avwanre yẹrẹ kerhọ rẹ oborẹ avwanre ta tavwen ayen ki rhie ẹchẹ-ẹ. Ihwo evo se phi ikẹmẹra yẹrẹ maikrofonu phiyọ uwevwin rayen rẹ ayen vwọ mrẹ, je kerhọ rẹ avwanre jẹ avwanre cha riẹ-ẹn. Enana yen iruemu evo ri fori nẹ e djephia siẹrẹ a da hẹ anurhoro.​—2 Kọr. 6:3.

URUEMU (Fil. 1:27):

• Muọghọ kẹ ohwo ro vwo uwevwin na vwọrẹ wọ vwọ kẹnoma kẹ ra vwọ wan ovakpo yẹrẹ ẹchẹ ni evunrẹ uwevwin na. Wọ riemu, da ame, se yẹrẹ vwẹ ovuẹ rhe ohwo vwẹ ifonu siẹrẹ wo de mudia anurhoro na-a

OTA (Ẹfe. 4:29):

• Wọ da hẹ anurhoro na, wọ ta ota vuọvo ru wọ guọnọre nẹ ohwo ro vwo uwevwin na nyo-o. Ighwoghwota evo dobọ rẹ ikuegbe jẹ rere ayen se vwo roro kpahen oborẹ ayen cha ta vwẹ anurhoro na

Idjerhe efa vọ yen wo se vwo dje omamọ rẹ uruemu phia vwẹ anurhoro?