Mavọ Yen Esegbuyota Wẹn Kpahen Ive rẹ Jihova Gan Te?

Joshua vẹ Solomọn rhọnvwephiyọ nẹ o vwo ota vuọvo rẹ Jihova tare ro shefia-a. (Jos. 23:14; 1 Ivie 8:56) Iseri rẹ ihwo ivẹ nana ra vwẹroso na ọyen uchivwo ọgangan rẹ avwanre se mu esegbuyota rẹ avwanre kpahen.​—2 Kọr. 13:1; Tai. 1:2.

Mavọ yen Jihova ru ive rọyen gba vwẹ ẹdẹ rẹ Joshua? Wẹ vẹ orua wẹn ni ividio na ‘O Vwo Ota Rọyen Vuọvo Ro Shefia-a’. Ovwan de no nu, ovwan gbe roro kpahen enọ nana: (1) Mavọ wọ sa vwọ vwẹrokere esegbuyota rẹ Rahab? (Hib. 11:31; Jems 2:24-26) (2) Mavọ yen udje rẹ Ekan djerephia nẹ jẹ ẹmienyo rẹ arogba suẹn kpo oghwọrọ? (3) Dede nẹ eshare rẹ Gibeọn egba, diesorọ ayen vwọ phiẹn Joshua, ji nene Izrẹl rhuẹrẹkugbe? (4) Mavọ yen ota rẹ Jihova rugba wan ọke rẹ ivie iyorin rẹ Amọr vwọ djoshọ mu Izrẹl? (Jos. 10:5-14) (5) Idjerhe vọ yen Jihova vwọ chọn wẹ uko vwo phi Uvie rẹ Ọghẹnẹ vẹ ọvwata rọyen phiyọ ẹdia rẹsosuọ vwẹ akpeyeren wẹn?​—Mat. 6:33.

Rẹ avwanre vwo roro kpahen oborẹ Jihova ru re, obo ro ruẹ enena vẹ obo ro che ru vwẹ obaro na, esegbuyota rẹ avwanre kpahen ive rọyen kọ ganphiyọ.​—Rom 8:31, 32.