Ine rẹ Uvie na Nẹrhẹ E Fiudugbere

Pọl vẹ Sailas so une vwo jiri Ọghẹnẹ ọke ayen vwọ hẹ uwodi. (Iruo 16:25) Vwẹ ọke rẹ avwanre na, iniọvo rẹ avwanre so ine rẹ Uvie na ọke rẹ ayen vwọ hẹ uwodi vwẹ Sachsenhausen, Nazi Germany kugbe Siberia. Idje nana dje ẹgba rẹ ine, ọ nẹrhẹ Inenikristi ri hirharokuẹ edavwini fiudugbere.

Kẹrẹkpẹ, ephẹrẹ efa buebun che vwo ọbe rẹ une kpokpọ na re se nẹ “Sing Out Joyfully” to Jehovah. O de tẹ avwanre obọ, avwanre sa riẹn eta rẹ une na kuyovwin siẹrẹ a da suọ vwẹ ẹga rẹ orua ọkieje. (Ẹfe. 5:19) Ọke yena ẹwẹn ọfuanfon kọ sa cha avwanre uko vwọ karophiyọ ayen vwẹ ọke rẹ ọdavwini. Ine rẹ Uvie na sa chọn avwanre uko vwọ tẹnrovi iphiẹrophiyọ rẹ avwanre. Ayen chọn avwanre uko vwẹ ọke rẹ avwanre de hirharoku edavwini. Vwẹ ọke rẹ oma da vwerhen avwanre, eta rẹ une na me rha nẹrhẹ avwanre “do edo rẹ aghọghọ” fikirẹ ẹdia ọsasasa rẹ ubiudu rẹ avwanre. (1 Ikun 15:16; Une 33:1-3) E jẹ avwanre davwẹngba ejobi vwọ so ine rẹ Uvie na!

HWORO IVIDIO NA UNE RỌ KPARE ẸWẸN RẸ IHWO RE WIAN, WO DE RU OYENA NU, GBA KPAHENPHIYỌ ENỌ REHẸ OBOTỌ NA:

• Ẹdia vọ yen mu Oniọvo Frost vwo si une ọvo?

• Mavọ yen une na nẹrhẹ iniọvo rehẹ uwodi vwẹ Sachsenhausen fiudugberi?

• Ẹdia vọ vwẹ akpeyeren ri kẹdẹ kẹde yen ine da sa chọn wẹ uko?

• Une rẹ Uvie na vọ yen wọ guọnọ riẹn kuyovwin?