Wọ sa Vwẹ Uchebro kẹ Onenikristi rọ Dobọ rẹ Ẹga Ji

Vwẹ Tuesday, April 11, buebun rẹ Inenikristi re dobọ rẹ ẹga ji cha rhe Ẹkarophiyọ na. Ayen ton onẹ rẹ arhọ na phiyọ jovwo re, ẹkẹvuọvo ayen siomauko fikirẹ erọnvwọn evo, e djunute evo usun rẹ erọnvwọn na vwẹ ibroshọ rẹ Rhivwin Bru Jihova Rhe. (Hib. 12:1) Dedena, ihwo tiọyena je pha ghanghanre kẹ Jihova rọ da ayen vẹ ọbara rẹ Ọmọ rọyen. (Iruo 20:28; 1 Pita 1:18, 19) Mavọ avwanre sa vwọ chọn ayen uko vwo rhivwin rhe ukoko na?

Ekpako rẹ ukoko na guọnọ ihwo tiọyena rere ayen vwẹ ukẹcha kẹ ayen kirobo rẹ osuigegede nabọ guọnọ ogegede ro bo ghwru nẹ uchuru na. (Luk 15:4-7) Ọnana odjephia rẹ ẹguọnọ rẹ Jihova. (Jer. 23:3, 4) Avwanre eje sa vwẹ uchebro kẹ ihwo tiọyena, ọ dia ekpako na ọvo-o. Ẹgbaẹdavwọn rẹ avwanre vwo dje uruemu esiri kẹ ihwo tiọyena vwerhen Jihova oma, ọ je ghwa ebruphiyọ cha. (Isẹ 19:17; Iruo 20:35) Ọtiọyena, gbe roro kpahen ohwo wọ sa vwẹ uchebro kẹ, wo ji ruo kpakpata!

HWORO IVIDIO NA VWẸ UCHEBRO KẸ INENIKRISTI RE DOBỌ RẸ ẸGA JI, WO DE RU ỌYENA NU GBA NỌ ENỌ REHẸ OBOTỌ NA:

• Die yen Abbey ruru ọke rọ vwọ mrẹ oniọvo ọvo ro vugheri-i?

• Diesorọ a vwọ vuẹ ekpako na siẹrẹ avwanre da guọnọ vwẹ ukẹcha kẹ ohwo rọ dobọ ẹga ji?

• Egbe vọ yen Abbey muru ọke ro che vwo bru Laura ra vwẹ abọ rivẹ?

• Mavọ yen Abbey dje erhiorin, edirin, vẹ ẹguọnọ phia ọke rọ vwọ vwẹ uchebro kẹ Laura?

• Die yen avwanre se yono nẹ itẹ rẹ Jesu ra mrẹre vwẹ Luk 15:8-10?

• Ebruphiyọ vọ yen nẹ ẹgbaẹdavwọn ra vwọ chọn Laura uko rhe?