Wọ Sa Davwọni Ẹgbukpe Ọvo?

Davwen die? Iruo rẹ ọkobaro ọkieje! Ọ vọnre vẹ ebruphiyọ buebun!—Isẹ 10:22.

IRUO ỌKOBARO SA NẸRHẸ . . .

• wọ tẹn ona rẹ aghwoghwo, je re avwerhen rẹ iruo rẹ uvie na kpobarophiyọ

• wọ bọn oyerinkugbe wẹn vẹ ọ rẹ Jihova gan. Wo vwo ghwoghwo kpahen Jihova vwọ kẹ ihwo efa ye, jẹ wọ karophiyọ iruemu rọyen re pha yoyovwin

• wọ mrẹ omavwerhovwẹn ro no cha ra vwọ vwẹ Uvie na ka obaro vwẹ akpeyeren kugbe aghọghọ ra vwọ vwẹ ukẹcha kẹ ihwo efa.—Mat. 6:33; Iruo 20:35

• wo kpo echidiotọ rẹ oniruo rẹ okinriariẹ vẹ ekobaro, omẹvwa rẹ oghẹresan re ruẹ ọke rẹ osikoko, kugbe Isikuru rẹ Ekobaro

• wo vwo uphẹn buebun wọ vwọ ton iyono rẹ Baibol phiyọ

• wo nene iniọvo na wian ọkeneje, je phiudu phiyọ ohwohwo awọ.—Rom 1:11, 12