Ọtanhirhe na Yen Nẹrhẹ Evrẹnushi sa Dia

Ẹkarophiyọ na kẹ avwanre uphẹn re vwo roro kpahen ebruphiyọ rẹ ọtanhirhe na cha ghwa rhe, kerẹ evrẹnushi na. Ọ dia ọhọre rẹ Jihova ihworakpọ vwo ghwu-u. Kọyensorọ, ọvo usun rẹ erọnvwọn re ma da avwanre yẹn ughwu rẹ ohwo re vwo ẹguọnọ kpahen. (1 Kọr. 15:26) Ọ da Jesu mamọ ọke rẹ idibo rọyen vwo vwerhe ughwu rẹ Lazarọs. (Jọn 11:33-35) Rọ vwọ dianẹ Jesu dje iruemu rẹ Ọsẹ rọyen phia gbagba na, avwanre se vwo imuẹro nẹ, ọ da Jihova mamọ avwanre de vwerhe ohwo rẹ avwanre vwo ẹguọnọ kpahen ro ghwuru. (Jọn 14:7) Jihova rhẹro rẹ ọke rọ cha vwọ rhọvwọn idibo rọyen ri ghwuru, o ji fo nẹ avwanre ru ọtiọyen.—Job 14:14, 15.

Jihova vwọ dia Ọghẹnẹ rẹ ufuoma na, avwanre se vwo imuẹro nẹ evrẹnushi na cha dia ọ rẹ dẹndẹn utute. (1 Kọr. 14:33, 40) Ukperẹ ughworivwin, edede rẹ ihwo ri vrẹnushi rhe kọyen cha dia. Wo roro kpahen evrẹnushi na ọke rẹ ohwo wẹn de ghwu? (2 Kọr. 4:17, 18) Wọ kpẹvwẹ Jihova fikirẹ ọtanhirhe na kugbe odjephia rọ vwọ kẹ avwanre kpahen ihwo ri ghwuru vwevunrẹ Baibol na?—Kọl. 3:15.

• Igbeyan yẹrẹ ihwo rẹ orua wẹn vọ yen wọ ghene guọnọ mrẹ?

• Amono usun rẹ ihwo re djunute vwẹ Baibol na yen wọ ghene guọnọ mrẹ, je ta ota kẹ?