Ẹsta Phi Arhọ Rọyen Phiyọ Ẹdia rẹ Imuoshọ fikirẹ Jihova vẹ Ihwo Rọyen

Ẹsta fiudugberi phi arhọ rọyen phiyọ ẹdia rẹ imuoshọ Fikirẹ Jihova vẹ ihwo rọyen

8:3-5, 9

• Arhọ rẹ Ẹsta vẹ Modekai hẹ ẹdia rẹ imuoshọ-ọ. Ẹkẹvuọvo iji rẹ Haman jiri nẹ e hwe ihwo rẹ Ju na hrabọ nene asan eje re

• Ẹsta rhoma phi arhọ rọyen phiyọ ẹdia rẹ imuoshọ, ro vwo bru ovie na ra jẹ o sere-e. Ẹsta da viẹ vwọ kẹ ihwo rọyen, ji yare ovie na nẹ o wene urhi yena

• E rhe che se wene urhi rẹ ovie ghwobọphiyọ nu-u. Ovie na da vwẹ ogangan kẹ Ẹsta vẹ Modekai nẹ ayen ru urhi kpokpọ ọfa

Jihova kẹ ihwo rọyen ophikparobọ rode

8:10-14, 17

• E de ghwoghwo urhi rivẹ na, rọ kẹ ihwo rẹ Ju ẹgba rẹ ayen vwọ chochọ rẹ oma rayen

• Ikọn na de ghwoghwo nene orere na eje, ihwo rẹ Ju de muegbe rẹ ofovwin

• Buebun rẹ ihwo mrẹ ẹroesiri rẹ Ọghẹnẹ ayen de kurhẹriẹ rhe ẹga rẹ ihwo rẹ Ju