Dede Erhorha rẹ Avwanre

Vwẹ March 23, avwanre rhẹro rẹ erhorha ri che te omarẹ iduduru 12 yẹrẹ re vrẹ ọtiọyen re cha rhe Ẹkarophiyọ rẹ ughwu rẹ Jesu. E che soseri womarẹ ota rẹ ọtota cha ta, ro shekpahen okẹ rẹ ọtanhirhe rẹ Jihova vwọ kẹ avwanre kugbe ebruphiyọ re cha vwẹ obaro na! (Aiz. 11:6-9; 35:5, 6; 65:21-23; Jọn 3:16) Ẹkẹvuọvo, ọ dia ọtota na ọvo yen che soseri vwẹ irueru rẹ oghẹresan nana-a. Avwanre eje se soseri womarẹ e vwo dede erhorha re cha rhe na. (Rom 15:7) Enana iroroẹjẹ evo.

• Ukperẹ wo vwo chidia hẹrhẹ ọke rẹ irueru na cha vwọ tonphiyọ, dede erhorha vẹ ighwoghwota re dobọ rẹ aghwoghwo ji vẹ omavwerhovwẹn

• Dede nẹ ihwo rẹ avwanre durhie rhe yen avwanre cha ma vwẹrote, o ji fo nẹ avwanre vwo oniso rẹ ihwo rẹ iniọvo efa durhie rhe. Nene ihwo kpokpọ na chidia. Wẹ vẹ ayen ni Baibol vẹ ọbe une wẹn kugbe

• Siẹrẹ irueru na de kuphiyotọ nu, phi uphẹn phiyotọ wọ vwọ kpahenphiyọ enọ rẹ ayen cha nọ. Ọ da dianẹ ọke rha herọ-ọ, kidie nẹ ukoko ọfa che ru Ẹkarophiyọ na vwevunrẹ Ọguan Ruvie vuọvo na, gbe ru ọrhuẹrẹphiyotọ wo vwo bro ohwo na ra siẹrẹ ẹdẹ evo da wan nu. Wo rhe vwo adrẹsi rẹ ohwo na-a, wọ sa nọ: “Me guọnọ riẹn obo wo ni irueru na. Mavọ me sa vwọ mrẹ wẹ?”