Onọ Rọhẹ Ekpeti Na

◼ Ọke Vọ O Vwo Fo Nẹ A Dobọ rẹ Uyono rẹ Ohwo ra Vwẹ Baibol Yono Ji?

Ọke rẹ ohwo na rha yan obaro-o, wọ sa vwẹ ona dobọ rẹ uyono na ji. (Mat. 10:11) Roro kpahen enọ nana: Ọ yan muẹ ọke rẹ uyono na? O muegbe phiyotọ hẹrhẹ uyono na? O kpo uyono abọ evo re? O vuẹ ihwo efa kpahen obo ro yono na? O ruẹ ewene vwo nene iyono ri Baibol vwẹ akpeyeren rọyen? Roro kpahen ikpe rọyen vẹ oborẹ ẹgba rọyen muru, wọ me je mrẹvughe nẹ erianriẹn rẹ ihwo eje dia abavo-o. Wọ da dobọ rẹ uyono na ji, jẹ ohwo na riẹn nẹ wọ choma wọ vwọ rhoma ton uyono na phiyọ siẹrẹ o de muegbe re.​—1 Tim. 2:4.