Ẹrhomafuẹrẹn rẹ Obo re Yonori Vwẹ Isikuru rẹ Iruo Ruvie Na
Enọ nana yẹn a cha fuẹrẹn vwẹ Isikuru rẹ Iruo Ruvie Na rọ tonphiyọ vwẹ udughwrẹn rẹ April 27, 2015. E si ẹdẹ ra cha vwọ fuẹrẹn ẹkpo ọvuọvo phia rere e se ru ehiahiẹ siẹrẹ ede muegbe rẹ isikuru na.
Oka rẹ ẹguọnọ vọ yẹn ẹguọnọ ro jẹrhẹriẹ, ẹdia rẹ akpeyeren vọ yẹn a da ma guọnọ? (Rutu 1:16, 17) [Mar. 2, w12 7/1 aruọbe 26 ẹko. 6]
Mavọ yẹn Rutu se rhi vwo vwo uruemu rọ nẹrhẹ ọ dia “omamọ rẹ aye”? (Rutu 3:11) [Mar. 2, w12 10/1 aruọbe 23 ẹko. 1]
Siẹrẹ avwanre de hirhiaroku ebẹnbẹn, idjerhe vọ yẹn avwanre sa vwọ mrẹ erere vwo nẹ udje rẹ Hanah? (1 Sam. 1:16-18) [Mar. 9, w07 3/15 aruọbe 16 ẹko. 4-5]
Ọke ri Samuel vwọ ‘rhua vwẹ obaro ri Jihova,’ die yen chọn rọ uko vwọ vrabọ rẹ orharhe udje rẹ emọ ri Eli? (1 Sam. 2:21) [Mar. 9, w10 10/1 aruọbe 16 ẹko. 2-3]
Mavọ yen avwanre sa vwọ mrẹ erere vwo nẹ uruemu ri Sọl djephia ọke rọ vwọ sen nẹ o che gboja kẹ “erharhe rẹ ihwo” re rhọvwen vwomaba ẹbẹre rọyen kẹrẹ ovie-e? (1 Sam. 10:22, 27) [Mar. 23, w05 3/15 aruọbe 23 ẹko. 1]
Diesorọ iroro ri Sọl vwọ phiẹn nẹ Jihova cha reyọ izobo rọyen dedenẹ ọ kerhọ ri Jihova-a? (1 Sam. 15:22, 23) [Mar. 30, w07 6/15 aruọbe 26 ẹko. 3-4]
Diesorọ ọ vwọ vwerhoma nẹ “evun rẹ udu” rẹ ohwo ọyen Jihova nẹ? (1 Sam. 16:7) [Apr. 6, w10 3/1 aruọbe 23 ẹko. 7]
Vwo nene obo re si phiyotọ vwẹ Isẹ 1:4, ẹgba vọ yen avwanre vwori rẹ Jihova guọnọre nẹ avwanre reyọ vwo ruiruo siẹrẹ avwanre de hirhiaroku ebẹnbẹn? (1 Sam. 21:12, 13) [Apr. 13, w05 3/15 aruọbe 24 ẹko. 4]
Diesorọ a vwọ tanẹ Abigail gbevwọso ọgbuyovwin rẹ ọshare rọye-en ọke rọ vwọ vwẹ emu vwọ kẹ Devid vẹ ihwo rọyen? (1 Sam. 25:10, 11, 18, 19) [Apr. 20, w09 7/1 aruọbe 20 ẹko. 3]
Diesorọ ọ vwọ dia ẹmu aghwanre, ẹguọnọ vẹ omaevwokpotọ rẹ Abigail vwo yovwunu vwọkẹ obo ro ruru-u, mavọ yẹn avwanre sa vwọ mrẹ erere vwọ nẹ udje rọyen? (1 Sam. 25:24) [Apr. 20, w02 11/1 aruọbe 5 ẹko. 1, 4]