Obo re se Vwo Phi Ayen Phiyẹ Ada

Ona ra sa Vwọ Ton Uyono ri Baibol Phiyọ Vwẹ Saturday Rẹsosuọ ri December

“Avwanre brẹ ihwo ra rere a sa vwẹ ukẹcha vwọkẹ erua sansan. Emiọvwọn buebun guọnọre nẹ emọ rayen vwo ẹguọnọ rẹ Ọghẹnẹ. Wo rori nẹ emiọvwọn ghini se yono emọ rayen vwo vwo ẹguọnọ rẹ Ọghẹnẹ, gbanẹ emọ na ọvo se yono omobọ rayen vwo vwẹ ẹguọnọ rẹ Ọghẹnẹ?” Fọ, rere ọ kpahenphiyọ. Dje obuko rẹ Watchtower ri December 1 vwọ kẹ, rere wo djekphahen ẹkpo rọhẹ obotọ rẹ onọ ẹsosuọ na, ji se ẹkpo ri Baibol ọvo ọ da havwen. Vwẹ ọbe ọkiọke na vwọ kẹ, wo ru ọrhuẹrẹphiyotọ wo vwo rhivwin bro ra re djekpahen onọ rọvwọ kpahọn na.

The Watchtower December 1

“Avwanre nene ihwo tota kpahen Ọghẹnẹ. Avwanre riẹnre nẹ kohwo kohwo vwo obo ro rori kpahen Ọghẹnẹ. Wo rori nẹ ihwo buebun mrẹ Ọghẹnẹ kerẹ ohwo vẹ ẹgba gheweghe rẹ ihwo che se sikẹre-e, gbanẹ ọyen ugbeyan rọ vwẹrote ayen komobọ? [Fọ, rere ọ kpahenphiyọ.] Ẹkpo ri Baibol nana vuẹ avwanre oka rẹ oyenrikugbe rẹ Ọghẹnẹ guọnọre nẹ avwanre vẹ ọyen vwo. [Se Jems 4:8a.] Ọbe ọkiọke nana dje kpahen erọnvwọn erha rẹ avwanre se ru siẹnẹ avwanre se si kẹre Ọghẹnẹ.”

Awake! December

“Avwanre brẹ ihwo ra fikirẹ oka rẹ ọga ọvo ro mu ihwo buebun nonẹna. Vwo nene iyẹnrẹn ro nẹ World Health Organization rhe, asan rẹ ihwo ẹne hepha, ohwo ọvo che vwo ọga rẹ afọnre kerẹ omaẹmuophiyọ ọgangan vwẹ ẹdia ọvo evunrẹ akpeyenren rayen. Wo rori nẹ ihwo họnwọn ọga rẹ afọnre asaọkiephana vrẹ obo ri jovwo? [Fọ, rere ọ kpahenphiyọ.] Baibol na kẹ avwanre iphiẹrophiyọ nẹ vwẹ ọke rọ cha obaro na, ihwo ri che yerin vwevunrẹ otọrakpọ na cha vrabọ rẹ ọga vẹ odjadja. [Se Ẹvwọphia 21:​3, 4.] Ọbe ọkiọke nana tota kpahen erọnvwọn evo ri fori nẹ ihwo ejobi riẹn kpahen ọga rẹ afọnre.”