Revwo Ruẹ Ona rẹ Aghwoghwo rẹ Avwanre Yovwẹn Phiyọ—Re Vwo Dje Ọdavwẹ Romobọ Phia
Oboresorọ Ọ Vwọ Ghanre: Jesu vwẹ ubiẹro abavo vwo ni ohwo vuọvo, o de ji dje ọdavwẹ romobọ vwọ kẹ ayen. Kerẹ udje, ọke rọ vwọ mrẹ oshọ vwẹ oma rẹ odierhọn ọvo, ọ da reyọ kpẹ asan rẹ ihwo hepha-a de re sivwin siẹnẹ oma vwo je ẹvuọ. (Mak 7:31-35) O dje erorokẹ kẹ idibo rọyen kiridie ọ riẹn asan ẹgba rayen teri, o rhe jẹ ọ vuẹ ayen eta buebu-un. (Jọn 16:12) Dede nẹ ẹdia rode yen ọ hepha vwẹ obẹ odjuvwu, Jesu ji dje ọdavwẹ romobọ phia. (2 Tim. 4:17) Kerẹ idibo rọyen, ofori nẹ awanre vwẹrokere. (1 Pita 2:21; 1 Jọn 3:16, 18) Vwọba, aghwoghwo avwanre sa nabọ ghwotọ siẹrẹ e de dje erorokẹ kẹ ohwo ra mrẹre vwẹ uwevwin, ji vwo oniso rẹ ẹdia rẹ ohwo na hepha vẹ ọdavwẹ rọyen. Ọkiọvo, ọ da riẹn nẹ ọghwa dia ovuẹ yẹrẹ ẹbe rẹ avwanre cha vwọ kẹ yin mu avwanre rhe-e, nẹ avwanre ji vwo ọdavwẹ kpahọn komobọ, ọ sa nẹrhẹ ọ kerhọ.
Davwen Iroroẹjẹ Nana Vwẹ Emeranvwe Na:
Ru udje rẹ ọnana vwẹ ẹga orua wẹn yẹrẹ wo de ghwoghwo mrẹ ẹdia ra da guọnọ nẹ oghwoghwota na wene ota rọyen nene obo rẹ ohwo ro vwo uwevwin na tare.
Vwevunrẹ omẹvwa re ruẹ e ki kpẹ aghwoghwo, oniọvo rọ vwẹrote na sa tota kpahen yẹrẹ ru udje rẹ obo re se vwo dje ọdavwẹ phia.