Revwo Dje Imuẹro rẹ Avwanre Kpahen 1914

Baibol na vuẹ avwanre nẹ avwanre “Choma kọke kọke . . . vwọ chọ ochọ” rẹ imuẹro avwanre vwori, ẹkẹvuọvo e “ruo dẹndẹn vẹ ọghọ.” (1 Pita 3:​15) Ọkiọvo, ọ bẹn revwo dje iyono ikokodo ri Baibol na kẹ ihwo, kerẹ oborẹ avwanre ru riẹn nẹ Uvie na ton usun phiyọ vwẹ 1914. Uyovwinrota nana: “A Conversation With a Neighbor​—⁠When Did God’s Kingdom Begin Ruling?” ro vwẹ ẹbẹre ivẹ na cha chọn avwanre uko. Ẹbẹre ivẹ na vwomaphia vwẹ The Watchtower re che phi phiyẹ ada vwẹ emeranvwe rẹ October vẹ November. Ru wọ vwọ fuẹrẹn uyovwinrota nana, roro kpahen enọ ri shekpahen ona ri Cameron rọ diẹ oghwoghwota ro ru udje na vwọ wian.

Mavọ yẹn . . .

• ọ reyọ ujiri vwọ tuẹn ota rọyen phiyọ?​​—⁠Iruo Rẹ Iyinkọn na 17:⁠22.

• ọ vwẹ omakpotọ dje kpahen imuẹro rọyen?​​—⁠Iruo Rẹ Iyinkọn na 14:⁠15.

Diesorọ . . .

• ọ vwọ djẹ ẹkpo ọvo koko tavwen o ki kpẹ efa?

• ọ vwọ dunujẹ nọke ra ruọke vwọ nọ ọrovwuwevwin na sẹ o vwo ẹruọ rẹ obo re yono na?

• o vwo jẹ eta buebun ẹta ọke ro de dje kpahen ẹkpo ọvo?​—⁠Jọn 16:⁠12.

Avwanre kpẹvwẹ Jihova, rọ diẹ ‘Oyono Rode,’ ro yono avwanre oborẹ avwanre se vwo dje iyono ikokodo ri Baibol na kẹ ihwo ri vwo omavwerhovwẹn kpahen uyota na!​—⁠Aiz. 30:20.