Obo re se vwo Phi Ayen Phiyẹ Ada

Ona ra sa Vwọ Ton Uyono ri Baibol Phiyọ Vwẹ Saturday Rẹsosuọ ri September

“Buebun rẹ ihwo vwo esegbuyota kpahen emekashe. Kẹ owẹ vwo? [Fọ, rere ọ kpahenphiyọ.] Emekashe vwo ẹgba mamọ keridie ayen ihwo rẹ ẹwẹn. Kẹ, wo rorori nẹ ayen sa vwẹ ukẹcha kẹ avwanre? Baibol na vuẹ avwanre idjerhe rẹ ayen vwọ vwẹ ukẹcha kẹ ihworakpọ nonẹna.” Dje obuko ri Watchtower ri September 1 kẹ, rere wo djekphahen ẹkpo rọhẹ obotọ rẹ onọ ẹsosuọ na, ji se ẹkpo ri Baibol ọvo ọ da havwen. Vwẹ ọbe ọkiọke na vwọ kẹ, wo ru ọrhuẹrẹphiyotọ wo vwo rhivwin bro ra re djekpahen onọ rọvwọ kpahọn na.

The Watchtower September 1

“Wo rorori nẹ ihworakpọ ghwọrọ akpọ na vrẹ obo ra sa rhuẹrẹ? [Fọ, rere ọ kpahenphiyọ.] Dede nẹ ihworakpọ cha sa rhuẹrẹ akpọ na rẹ ayen miovwẹn na-a, Baibol na vuẹ avwanre nẹ Ọghẹnẹ vwo ẹgba vẹ owevwen rọ vwọ rhuẹrẹ. Ọ kẹ avwanre imuẹro nana vwẹ Une rẹ Ejiro 65:⁠9. [Se.] Watchtower nana djekphahen obo rẹ Ọghẹnẹ cha rhuẹrẹ akpọ na wan vẹ obo rẹ ebruphiyọ re cha vwẹ obaro na se vwo te avwanre obọ. Me guọnọ yanjovwo kẹ wẹ rere wo se.”

Awake! September

“Avwanre tota kpahen obẹnbẹn rẹ ihwo buebun rhiẹromrẹ. Buebun rẹ ihwo yin hirharoku ọdjorho ravwọ wian vrẹ oma keridie ọga rayen gba ayen vwọ wian. Ewena rẹ owian tare nẹ ọnana so ofuedje ro se djobọte omakpokpọ rẹ avwanre. Die yen wo rorori nẹ ohwo se ru vwo yerin ghene ẹdia ọtiọyen na? [Fọ, rere ọ kpahenphiyọ.] Ni ẹdia ri Baibol ọvo rọ sa vwẹ ukẹcha kẹ ohwo. [Se Aghwoghwo 4:⁠6.] Ọbe ọkiọke nana dje owọejẹ ẹne re sa chọn avwanre uko vwo phi obo re ma ghanre vwẹ akpeyeren phiyẹ ẹdia rẹ ẹsosuọ, ji yerin ghene ofuedje rẹ iruo.”