Obo re se Vwo Phi Ayen Phiyẹ Ada

Tivọ Yẹn a da sa Mrẹ Ẹkpahọnphiyọ rẹ Enọ ri Shekpahen Akpeyeren?

Wo de yeren ohwo na nu, gbe dje uyovwinrota rẹ ọmọbe na kẹ ohwo na rere wọ ta: “Avwanre vwobọ vwẹ ẹgharọ rẹ ọmọbe nana ro vwo ovuẹ ọghanghanre vwẹ akpọneje. Ọnana ọwẹn.”

Wọ da guọnọ chọrọ ọmọbe na phiyẹ ẹchẹ rẹ ihwo rehẹ uwevwi-in, phio phiyẹ asan rẹ ihwo de jẹ-ẹmrẹ, wọ me je nabọ kpirhon.

Ohwo na de dje omavwerhovwẹn phia, wọ sa nọ ohwo na enọ rehẹ obaro rẹ ọmọbe na. Rhie ọmọbe na rere wo dje obo rẹ ọbe rẹ Une Rẹ Ejiro 119:​144, 160 tare. Vuẹ nẹ ọ cha mrẹ odẹ rẹ Wẹbsaiti ravwanre vwevunrẹ ọmọbe na, rọ sa chọn uko wọ mrẹ ẹkpahọnphiyọ rẹ enọ na vwevunrẹ Baibol. Wo se hworo ividio na, Diesorọ E Vwo Yono Baibol Na? Tavwen wọ ke yanran, dje enọ re si phiyẹ obuko rẹ ọmọbe na kẹ, rere wọ nọ kpahen ọ ro je re. Vuẹ nẹ wo che rhivwin bro rhe ri dje obo rọ sa vwọ mrẹ ẹkpahọnphiyọ rẹ enọ na vwẹ jw.org. Wo de rhivwin bro ra, gbe nene fuẹrẹn ẹkpahọnphiyọ rẹ enọ na vwẹ ẹbẹre rẹ BIBLE TEACHINGS > BIBLE QUESTIONS ANSWERED vwẹ Wẹbsaiti na.

Ọke wo de durhie ohwo vwo kpẹ ọghwẹkoko rubrotọ wẹn, wọ me je vwẹ ọmọbe kpokpọ nana vwọba kẹ ohwo na rere wọ ta, “vwọba ọyena, avwanre je kẹ wẹ ọmọbe revwo durhiuwe kpẹ ọghwẹkoko ravwanre rọ cha na.”

The Watchtower August 1

Vwẹ oba rẹ udughwrẹn na, wọ sa reyẹ ona nana vwo phiẹ Watchtower Na phiyẹ ada: “Avwanre je guọnọ kẹ wẹ ọbe ọkiọke ravwanre rọ kpahenphiyẹ onọ nana, Ọghẹnẹ davwerhọ wẹn?”

Awake! August

Vwẹ oba rẹ udughwrẹn na, wọ sa reyẹ ona nana vwo phiẹ Awake! na phiyẹ ada: “Avwanre je guọnọ kẹ wẹ ọbe ọkiọke ravwanre rọ kpahenphiyẹ onọ nana, Mavọ yẹn ihworakpọ se vwo yerinkugbe vwọrẹ ufuoma?”