Iyovwinreta

Uyono ivẹ nana cha chọn avwanre uko vwọ riẹn ọghanrovwẹ rẹ uyota rẹ Baibol na. Vwọrẹ uyota, erere ra cha mrẹ siẹrẹ a da dẹ uyota na, bun vrẹ oborẹ avwanre vwo ze. Uyono ivẹ nana je cha chọn avwanre uko vwọ riẹn obo re che ru rere a sa vwọ vwẹ ọkieje vwo ni uyota na kerẹ irhu ọghanghanre, kidie ọyena cha nẹrhẹ a sa sẹro rẹ uyota na eje rẹ Jihova vwọphia kẹ avwanre.

Ọbe rẹ Habakọk nabọ djisẹ rẹ obo ra sa vwọ sẹro rẹ oyerinkugbe rẹ avwanre vẹ Jihova ọke re de hirharoku ebẹnbẹn. Uyono nana cha chọn avwanre uko vwọ mrẹvughe nẹ, o toro ẹnwan vẹ ebẹnbẹn rẹ avwanre rioja rọye-en, Jihova cha sẹro rẹ avwanre siẹrẹ a da vwẹrosuọ.

Oyerinkugbe rẹ avwanre vẹ Jihova vwọ ganphiyọ na, avwanre me rhe mrẹvughe nẹ iroro vẹ idjerhe rẹ Jihova kpenu nọ e rẹ avwanre shesheri. Uyono ivẹ nana che dje oborẹ avwanre sa vwọ kẹnoma rere akpọ na vwo jẹ iroro rẹ avwanre esuon, vẹ oborẹ avwanre se vwo ru iroro rẹ avwanre shephiyọ vẹ e rẹ Ọghẹnẹ.